އައި.ޔޫ.އެމްގެ ކޯސްތަކަށް ވަނުމުގެ މުއްދަތު އިތުރުކޮށްފި
ފޯމާއެކު ހުށަހަޅަންޖެހޭ ތަކެތި، 19 ޖަނަވަރީ ވަނަ ދުވަހުގެ 13:00 ގެ ކުރިން ހުށަހެޅުމަށް ވަނީ އެދިފައި
ދިވެހިރާއްޖޭގެ އިސްލާމިކް ޔުނިވަރސިޓީ
އިސްލާމީ ޔުނިވަރސިޓީ(އައިޔޫއެމް) ގައި މިއަހަރުގެ ފުރަތަމަ ސެމިސްޓަރގައި ގައި ފެށުމަށް ހަމަޖެހިފައިވާ ކޯސްތަކުގައި އިތުރު ޖާގަ ހުރުމުން ކޯސްތަކަށް ފޯމު ހުށަހެޅުމުގެ މުއްދަތު އިތުރުކުރުކޮށްފިއެވެ.
އައިޔޫއެމް އިން ބުނީ ކޯސްތަކަށް ވަންނަން އެދޭ ފަރާތްތަކުން، ކޯހަށް ވަނުމަށް އެދޭފޯމު ފުރިހަމަ ކުރެއްވުމަށްފަހު، ފޯމާއެކު ހުށަހަޅަންޖެހޭ ތަކެތި، 19 ޖަނަވަރީ ވަނަ ދުވަހުގެ 13:00 ގެ ކުރިން ދިވެހިރާއްޖޭގެ އިސްލާމީ ޔުނިވަރސިޓީގެ ރިސެޕްޝަނަށް ހުށަހެޅުމަށް އެދޭކަމަށެވެ. މީގެ އިތުރުން އައި.ޔޫ.އެމް ލާރނިންގ ސެންޓަރު (ލ.ފޮނަދޫ – ކުރީގެ ސިރާޖުއްދީން ޕްރީސްކޫލް) ، އައި.ޔޫ.އެމް ލާރނިންގ ސެންޓަރު (ފުވައްމުލައް ސިޓީ - ކުރީގެ މިސްކިތްމަގު އަންހެނުންގެ ކޮމެޓީ ޢިމާރާތް) ، އައި.ޔޫ.އެމް ލާރނިންގ ސެންޓަރު (ޅ. ނައިފަރު - ކުރީގެ ނޫރާނީ ޕްރީ-ސްކޫލް)،އަދިއައްޑޫ ސިޓީ މީދޫ – ޝަމްސުއްދީން ލާރނިންގ ސެންޓަރ އަށް ހުށަހެޅޭނެއެވެ. މީގެއިތުރުން ފޯމާއި ލިއުންތައް އީމެއިލްވެސް ކުރެވޭނެ ކަމަށް ބުނެފައި ވެއެވެ.
ކޮންމެ ކޯހެއްވެސް ހިންގޭނީ މަދުވެގެން 15 ދަރިވަރުން އެކޯހެއްގައި ބައިވެރިވުމުންނެވެ. ފުރަތަމަ ސެމިސްޓަރ ގައި 20 ކޯހެއް ހިންގުމަށް އިއުލާންކޮށްފައިވެއެވެ. އޭގެތެރޭގައި ސެޓްފިކެޓް ލެވެލް 1ން ފެށިގެން މާސްޓަރ އާ ހަމައަށް ކޯސްތައް ހިމެނެއެވެ.
