ރާއްޖެ
ބަނގުރަލުގެ މައްސަލައެއް
ހުޅުމާލެއިން ބަނގުރަލާއެކު ބިދޭސީއަކު ހައްޔަރުކޮށްފި
ހައްޔަރުކުރި ބިދޭސީ މީހާއާގުޅޭ އިތުރު ތަފްސީލެއް ފުލުހުން އަދި ހާމައެއްނުކުރޭ
ނަޒާހަތު އިބްރާހިމް ރަޝީދު, ރާއްޖެ އެމްވީ | 11 ޖެނުއަރީ 2023 | ބުދަ 17:37
ހުޅުމާލެ
ހުޅުމާލެއިން ބަނގުރަލާއެކު ބިދޭސީއަކު ހައްޔަރުކޮށްފިއެވެ.
އޭނާ ހައްޔަރުކޮށްފައިވަނީ ބުދަ ދުވަހުގެ ވަގުތެއްގައެވެ.
ފުލުހުން ބުނިގޮތުގައި ހުޅުމާލޭގައި އޮތް ވޭނެއް ދުއްވާފައި ދިޔަ ބިދޭސީއަކާމެދު ތުހުމަތުކުރެވިގެން އެ ވޭން ބަލައި ފާސްކުރުމުގެ ތެރޭގައި ބަނގުރާ ފުޅިތަކަކާއި ތަޅުތަކެއް ފެނިފައިވާކަމަށެވެ.
ފުލުހުން ބުނީ މި މައްސަލާގައި ފުލުހުންގެ ބެލުމުގެ ދަށަށް ގެންގޮސްފައި ވަނީ ބިދޭސީ ފިރިހެނެއް ކަމަށެވެ.
އެހެންނަމަވެސް ފުލުހުންގެ ބެލުމުގެ ދަށަށް ގެންގޮސްފައިވާ ބަނގުރަލުގެ އަދަދާއި، ހައްޔަރުކުރި ބިދޭސީ މީހާއާގުޅޭ އިތުރު ތަފްސީލެއް ފުލުހުން އަދި ހާމައެއްނުކުރެއެވެ.
