ޕްލާސްޓިކްގެ މައްސަލާގައި ސިޔާސީ ލީޑަރުންނާ ދެކޮޅަށް ފަންނުވެރި އިހްތިޖާޖެއް!
7 ޖެނުއަރީ 2023 | ހޮނިހިރު 07:06ބުކާވޫ ސިޓީގައި ވަރަށް ކުނި ގިނަ
ޕްލާސްޓިކް ކުނި އެއްކޮށްގެން ކުރެހުންތައް ތައްޔާރުކުރަނީ
ޑިމޮކްރަޓިކް ރިޕަބްލިކް އޮފް ކޮންގޯގެ އިރުމަތީ ސަރަހައްދުގައި އޮންނަ ލޭކް ކީވޫގެ އައްސޭރިފަށުގައި ދެމެމުން ދިޔަ، އުކާލާފައިވާ ޕްލާސްޓިކް ފުޅިފުޅީގެ ކޯރުގެ ފުން މިން އާދައިގެ އިސްކޮޅެއްގެ ފިރިހެނެއްގެ ކަކުލާ ހިސާބަށް އަރައެވެ. އުކާލާފައިވާ ޕްލާސްޓިކް ފުޅީގެ ކޯރުގެ ތެރޭގައި، ޕެޓްރިކް ސިކޫރު ސިރިމްވާމީ އަތްފުނާ އަޅަމުން ދިޔައީ އޭނާގެ އަތުގައި އޮތް ގޯނި ފުރާލެވޭހާ ގިނަ ފުޅި އެއްކުރެވޭތޯއެވެ.
ވަގުތަށް ކަންތައްތައް ހަމަޖެހިފައި އޮތް ގޮތަށް ބަލާއިރު، ޕްލާސްޓިކް ކުނިބުނި އުކާލާނެ ޚާއްސަ އިންތިޒާމެއް އެ ސަރަހައްދަކު ނެތެވެ. ނަތީޖާއެއްގެ ގޮތުން އެ ކުނިތައް ޖަމާވަނީ ލޭކް ކީވޫއަށެވެ. އެކަމުގެ އަސަރު ސީދާގޮތުން ފޯރަނީ ރައްޔިތުންނަށެވެ. އެ ސަރަހައްދުގައި ހުންނަ، ފެނުން ކަރަންޓު އުފައްދާ ޕްލާންޓުގައި މައްސަލަތައް ޖެހި، ކަރަންޓުގެ ޚިދުމަށް ބުރޫ އަރައެވެ.
ސިރިމްވާމީގެ އަމާޒަކީ ޕްލާސްޓިކް ކުނިބުނިން އެ ސަރަހައްދު ސާފު ކުރުމުގެ އަމާޒަށްވުރެ ވަރުގަދަ އަމާޒެކެވެ. ކޯރު ސަރަހައްދުން ސިރިމްވާމީ އެއްކުރާ ޕްލާސްޓިކް ފުޅިތައް ވިރުވައިގެން އޮލަ މާއްދާއެއް ތައްޔާރުކުރެއެވެ. އޭނާ، އެ ބޭނުންކުރަނީ ސިޔާސީ މައިދާނުގައި އަޑު ހަރުކޮށް އުޅޭ މީހުންގެ ތަސްވީރުތައް ކުރެހުމަށެވެ. ތިމާވެށި ހިމާޔަތް ކުރުމަށް، އެ މީހުން މާ ބޮޑު މަސައްކަތްތަކެއް ކުރަމުން ނުދާތީ، އެކަން ކުށްވެރިކޮށް، ދެކޮޅުވެރިކަން ފާޅުކުރުމުގެ އިހްތިޖާޖެއްގެ ގޮތުގައެވެ.
އުމުރުން 26 އަހަރުގެ ސިރިމްވާމީގެ އެންމެ ފަހުގެ މަސައްކަތްތަކަށް ބަލާއިރު; ކޮންގޯގެ މިނިވަންކަމުގެ ލީޑަރު ޕެޓްރިސް ލުމުމްބާއާއި އަދުގެ ރައީސް ފީލިކްސް ޝިސެކެޑީފަދަ ޝަހްސިއްޔަތުތަކުގެ ތަސްވީރުތައް ހިމެނެއެވެ. ސިރިމްވާމީގެ އުފަން ވަޒަން ކަމުގައިވާ ބުކާވޫގައި ދާދި ފަހުން އޮތް މައުރަޒެއްގައި، އެ މަސައްކަތްތައް ދައްކާލާފައިވެއެވެ.
އެފްރިކާ ސަރަހައްދުގެ އެހެން ގައުމުތަކެކޭ އެއްގޮތަށް، ކޮންގޯއިންވެސް ދަނީ އެ ގައުމުގެ އިގްތިސާދު ތަރައްގީކުރުމަށްޓަކައި، ގުދުރަތީ ވަސީލަތްތަކުގެ ބޭނުން ކުރުމުގެ ހައްގު ހޯދުމަށް ސާބިތުކަމާއެކު ވަކާލާތު ކުރަމުންނެވެ. ކަން މިހެން އޮތް އިރު، ދުނިޔޭގައި ދެވަނައަށް އެންމެ ބޮޑު ޖަންގަލީގައި ތެޔޮ ބްލޮކްތައް ނީލަންކިއުމުގެ ފާޑުކިއުންތައް، ކޮންގޯއަށް ވަނީ އަމާޒު ވެފައެވެ.
ކޮންގޯއިން ދަނީ، އިގްތިސާދީ ތަރައްގީއަށް މަސައްކަތް ކުރުމުގައި ގެއްލުން ދެނިވި އުސޫލުތަކާ ދުރުހެލިވާނެ ކަމަށް ބުނަމުންނެވެ. އަދި ގަވައިވަދުތައް ހަރުކަށި ކުރާނެ ކަމަށްވެސް ބުނަމުންނެވެ. އަދި މޫސުމީ ނޭދެވޭ ބަދަލުތަކާ ދެކޮޅަށް ބައިނަލްއަގުވާމީ ފެންވަރުގައި ކުރަމުންދާ މަސައްކަތްތަކުގެ ތެރެއިން، ތަރައްގީވެފައިވާ ގައުމުތަކުން، ތަރައްގީ ވަމުން އަންނަ ގައުމުތަކަށް މާލީ އެހީ ކަށަވަރު ކޮށްދިނުމަށްވެސް ކޮންގޯއިން ވަނީ ގޮވާލާފައެވެ.
