ކީރިތި ޤުރުއާން ކިޔެވުމުގެ 35 ވަނަ ޤައުމީ މުބާރާތް ނިންމާލައިފި
1 ޖެނުއަރީ 2023 | އާދީއްތަ 02:10މިފަހަރުގެ މުބާރާތުގައި 13 ކުއްޖަކު ވަނީ ހާފިޒުންގެ ބައިގަ ކިޔަވާފައި
އާއިޝަތު ޝިއުރާ | 1 ޖެނުއަރީ 2023 | އާދީއްތަ 02:10
ކީރިތި ޤުރުއާން ކިޔެވުމުގެ 35 ވަނަ ޤައުމީ މުބާރާތް
ކީރިތި ޤުރުއާން ކިޔެވުމުގެ 35 ވަނަ ޤައުމީ މުބާރާތް ނިންމާލައިފިއެވެ.
ޑިސެމްބަރު 22 ވަނަ ދުވަހު ފެށި މިމުބާރާތް ކުރިޔަށް ގެންގޮސްފައިވަނީ ކިންގް ސަލްމާން މިސްކިތުގެ ޖަލްސާކުރާ މާލަމުގައެވެ. މުބާރާތް ކުރިޔަށް ގެންގޮސްފައިވަނީ 3 ދަންފަޅިއަކަށް ބަހާލައިގެންނެވެ.
އެންމެ ފަހު ދަންފަޅީގެ ކިޔެވުން ކުރިޔަށްގެންގޮސްފައިވަނީ ހޮނިހިރު ދުވަހުގެ ހެނދުނެވެ. މިމުބާރާތުގައި 1016 ކުދިން ކިޔަވާފައިވެއެވެ. އެއީ ބަލައިގެން ކިޔެވުމުގެ ބައިގައި 600 ކުދިން އަދި ނުބަލާ ކިޔެވުމުގެ ބައިގައި 406 ކުދިންނެވެ.
މުބާރާތުގައި 13 ކުއްޖަކު ވަނީ ހާފިޒުންގެ ބައިގަ ކިޔަވާފައެވެ.
