އައު އަހަރު ފާހަގަކުރުމުގެ ގޮތުން ހުޅުމާލޭ ސިންތެޓިކް ޓްރެކްގައި މިރޭ ހަވާއަރުވަނީ
31 ޑިސެމްބަރު 2022 | ހޮނިހިރު 17:55ހުޅުމާލެ ސިންތެޓިކް ޓްރެކްގައި އަންނަނީ ސްޓޭޖް ޝޯއެއް ދެމުން
މީގެ ކުރިން އައު އަހަރު ފާހަގަކުރުމުގެ ގޮތުން ބޭއްވި މިއުޒިކް ޝޯވގެ ތެރެއިން ހަވާ އަރުވަނީ
އައު އަހަރު ފާހަގަކުރުމުގެ ގޮތުން މިރޭ 12 ޖަހާއިރު ހުޅުމާލޭ ސިންތެޓިކް ޓްރެކްގައި ހަވާއެރުވުމަށް ހަމަޖެހިފައިވާކަމަށް އެމްއެންޑީއެފުން ބުނެފިއެވެ.
މި ފަހަރު އައު އަހަރު ފެށުން ކުލަގަދަކޮށް ފާހަގަކުރަން ޔޫތު މިނިސްޓްރީން ވަނީ ނިންމާފައެވެ. އެގޮތުން ހުޅުމާލެ ސިންތެޓިކް ޓްރެކްގައި އަންނަނީ ސްޓޭޖް ޝޯއެއް ދެމުންނެވެ. ބޮލީވުޑްގެ މަޝްހޫރު ލަވަކިއުންތެރިޔާ ޕައުނީ ޕާންޑޭ މިޝޯވގައި ލަވަކިޔާއިރު, މިޝޯވގައި ރާއްޖޭގެ މަޝްހޫރު ލަވަކިޔުންތެރިންނާއި ބޭންޑުތަކުންވެސް ޕަރފޯމް ކުރެއެވެ. މީގެތެރޭގައި ހަބޭސް ބޮޑުބެރު ގްރޫޕާއި ހަބޭސް ފިއުޝަން އަދި ހަބޭސް ލެވިޓޭޝަންގެ ހިތްގައިމު ހުށަހެޅުންތަކެއްވެސް ޝޯއިން ފެންނާނެއެވެ.
މީގެ ކުރިންވެސް ރާއްޖޭގައި އައު އަހަރު ކުލަގަދަކޮށް ފާހަގަކުރެއެވެ. އެގޮތުން މާލެ ސަހަރަހައްދުގައި ހަވާއެރުވުމުގެ ހަރަކާތްތަކާއި، ބޭރު ފަންނާނުންގެ އިތުރުން ރާއްޖޭގެ މިއުޒިކް ފަންނާނުންގެ ހުށަހެޅުންތަކާއެކު އައު އަހަރު ފާހަގަކުރެއެވެ.
