އެވަޓަންއިން މެންޗެސްޓަރ ސިޓީ ހުއްޓުވައިފި
އާސެނަލްއާ ސިޓީއާ ދެމެދު ހަތަރު ޕޮއިންޓްގެ ފަރަގެއް އެބައޮތް
ސިޓީ ކުޅުންތެރިން މާޔޫސްވެފައި
ޗެމްޕިއަން މެންޗެސްޓަރ ސިޓީއަށް އެވަޓަން އަތުން މޮޅުނުވެވި, އެއްވަނައަށް ދާން އަނެއްކާވެސް ހުރަސްތަކެއް ކުރިމަތިވެއްޖެއެވެ.
ތާވަލްގެ ދެވަނާގައި އޮތް ސިޓީން އަމިއްލަ ދަނޑުގައި އެވަޓަންއާ ވާދަކުރި މެޗު އެއްވަރުވީ ފުރަތަމަ ލަނޑު ޖަހައި ކުރިހޯދާފައިވަނިކޮށެވެ. މެޗު އެއްވަރުވީ 1-1ންނެވެ. 24 ވަނަ މިނިޓްގައި ސިޓީއަށް ލީޑް ނަގައިދިނީ ހާލާންޑެވެ. އެކަމަކު އެލީޑް ނުހިފެހެއްޓި އަދި އިތުރު ގޯލެއް ނުޖެހި ކޮޅަށް ގޯލެއް ވަނީއެވެ. އެވަޓަންއިން ނަތީޖާ ހަމަހަމަކުރީ 64 ވަނަ މިނިޓްގައި ގްރޭ ޖެހި ލަނޑުންނެވެ.
މިނަތީޖާގެ ސަބަބުން އެއްވަނާގައި އޮތް އާސެނަލްއަށް ފަރަގު ހަތް ޕޮއިންޓަށް ބޮޑުކުރުމުގެ ފުރުސަތު ލިބުނީއެވެ. އާސެނަލްއަށްވުރެ އިތުރަށް މެޗެއް ކުޅެގެންވެސް ސިޓީއާއި އާސެނަލްއާ ދެމެދު ހަތަރު ޕޮއިންޓްގެ ފަރަގެއް އެބައޮތެވެ. އެވަޓަން އޮތީ 15 ޕޮއިންޓާއެކު 16 ވަނާގައެވެ. ރެލިގޭޝަނާ ދެމެދު އޮތީ ދެ ޕޮއިންޓްގެ ފަރަގެކެވެ.
