ރާއްޖެ ޓީވީގެ މިއަހަރުގެ އެންމެ ރަނގަޅު މުވައްޒަފަކަށް ބާރިޒާ، އުއްމީދީ މުވައްޒަފަކަށް ޝައިހާން
17 ދާއިރާއަކުން 16 މުވައްޒަފަކު ވަނީ އެވޯޑު ހާސިލްކޮށްފައި
ރާއްޖެ ޓީވީ ސްޓާފް އެވޯޑު ލިބުނު މުވައްޒަފުންނާއި ޝަރަފުވެރި މެހެމާނުން
ރާއްޖެ ޓީވީގެ އަހަރީ ދުވަހާ ގުޅުވައިގެން، މުވައްޒަފުންގެ އަގުވަޒަން ކުރުމުގެ ގޮތުން އެކި ގޮތްގޮތުން ފާހަގަކުރެވުނު މުވައްޒަފުންނަށް އިނާމު ދިނުމަށް "ރާއްޖެ ޓީވީ ސްޓާފް އެވޯޑް 2022" ބާއްވައިފިއެވެ.
އަންގާރަ ދުވަހުގެ ރޭ ބޭއްވި މި އެވޯޑު ހަފްލާ ޝަރަފުވެރިކޮށްދެއްވީ ޔޫތު މިނިސްޓަރު އަހުމަދު މަހުލޫފުއެވެ. މި ރަސްމިއްޔާތުގައި ރާއްޖެޓީވީގެ އިސް ބޭފުޅުންނާއި މުވައްޒަފުންގެ އިތުރުން ސްޕޮންސަރުން ވެސް ބައިވެރިވެލެއްވިއެވެ.
މި ރަސްމިއްޔާތުގައި 17 ދާއިރާއަކުން ވަނީ އިނާމު ދީފައެވެ. އިނާމު ލިބުނު މުވައްޒަފުންގެ ތެރޭގައި ހިމެނެނީ:
މީގެ އިތުރުން 2022 ވަނަ އަހަރުގެ ރާއްޖެ ޓީވީގެ އެންމެ އުއްމީދީ މުވައްޒަފުގެ އެވޯޑު ހާސިލުކުރީ ވީޑިއޯ ޖަރނަލިސްޓް ޝައިހާން ޒަރީރުއެވެ. އަދި ކޮންމެ އަހަރަކު ދޭ އެންމެ ޝަރަފުވެރި އެވޯޑު ކަމުގައިވާ އަހަރުގެ އެންމެ ރަނގަޅު މުވައްޒަފު، ނުވަތަ ސްޓާފް އޮފް ދަ އިޔަރ ހާސިލުކުރީ ނިއުސް ކޯޑިނޭޓަރ އާމިނަތު ބާރިޒާއެވެ. ސްޓާފް އޮފް ދަ އިޔާއަށް ރާއްޖެޓީވީގެ ފަރާތުން ވަނީ 30،000 ރުފިޔާގެ ފައިސާގެ އިނާމު ދީފައެވެ.
ރާއްޖެޓީވީގެ 12 އަހަރީ ދުވަސް ފާހަގަކޮށްފައިވާއިރު ކޮންމެ އަހަރަކުވެސް އަހަރީ ދުވަހާ ގުޅުވައިގެން މުވައްޒަފުންގެ އަގުވަޒަންކުރުމުގެ ގޮތުން އެވޯޑު ހަފްލާ ބާއްވައެވެ.
