ބޯކޮށް ވާރޭވެހޭނެކަމަށް ލަފާކޮށް އުތުރަށް ވައިޓް އެލާޓް
19 ޑިސެމްބަރު 2022 | ހޯމަ 10:53ހއ އަތޮޅުން ފެށިގެން ށ އަތޮޅަށް ވަނީ ވައިޓް އެލާޓް ނެރެފައި
އާއިޝަތު ޝިއުރާ | 19 ޑިސެމްބަރު 2022 | ހޯމަ 10:53
މާލެ އަށް ވާރޭވެހިފައި
ބޯކޮށް ވާރޭވެހޭނެކަމަށް ލަފާކޮށް އުތުރުގެ އަތޮޅުތަކަށް ވައިޓް އެލާޓް ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ ހއ އަތޮޅުން ފެށިގެން ށ އަތޮޅަށް ހޯމަ ދުވަހުގެ އިރުއޮއްސި 6 ޖެހުމާ ހަމައަށް ވައިޓް އެލާޓް ނެރޭކަމުގައެވެ. މިވަގުތުތަކުގައި އެސަރަހައްދަށް ބޯކޮށް ވާރޭވެހުމާއެކު ގުގުރާނެކަމަށް ލަފާކުރެވޭކަމަށް ވަނީ ބުނެފައެވެ.
މީގެއިތުރުން މެޓް އޮފީހުން ބުނީ ކަނޑުތައް އާދައިގެ ވަރަކަށް މަޑުވާނެކަމަށެވެ.
