އައްޑޫ ކަނޑަށް ގެއްލުނު ނޭޕާލު މީހާ ހޯދުން މެދުކަނޑާލައިފި
މި އޮޕަރޭޝަނުގައި ފުވައްމުލަކު ވަށައިގެންވާ ސަރަހައްދާއި އައްޑޫ ކަނޑުގެ 304 ނޯޓިކަލް މޭލުގެ ސަރަހައްދެއް ބަލާފައިވާ ކަމަށް އެމްއެންޑީއެފުން ވަނީ ބުނެފަ
މޫސުން ގޯސް ދުވަސްވަރެއްގައި ފުލުހުންގެ ލޯންޗެއް ކަނޑުމަތިން ދަތުރުކުރަނީ
އައްޑޫ ކަނޑަށް ގެއްލުނު ނޭޕާލު މީހާ ހޯދުން މެދުކަނޑާލައިފިއެވެ.
އެމްއެންޑީއެފުން ބުނިގޮތުގައި އައްޑޫއިން ފުރައިގެން މާލެއަށް ދަތުރު ކުރަމުންދިޔަ ބޯޓެއްގައި ހުރި ނޭޕާލުގެ ފަޅުވެރިޔަކު ގެއްލުނީ ފުވައްމުލަކާއި އައްޑޫއާ ދެމެދު ކަނޑަށެވެ.
އޭނާ ގެއްލުމާ ގުޅިގެން އެ މީހާ ހޯދުމަށް މަސައްކަތްކުރަމުންދާ ކަމަށް ފުލުހުން ހާމަކުރީ ޑިސެމްބަރު 17، ގައެވެ.
އޭނާ ގެއްލިފައި ވަނީ ޑިސެމްބަރު 16، ގެ ރޭ ދަންވަރު ކަމަށް އެމްއެންޑީއެފުން ވަނީ ފަހުން ހާމަކޮށްފައެވެ.
އެ މީހާ ހޯދުން މެދުކަނޑާލި ސަބަބެއް ހާމައެއް ނުކުރެއެވެ. ނަމަވެސް އެ ސަރަހައްދުގެ މޫސުން ގޯސްވުމާއި ގުޅިގެން މެޓް އޮފީހުން ވަނީ ރީނދޫ ސަމާލު ނެރެފައެވެ.
މި އޮޕަރޭޝަނުގައި ފުވައްމުލަކު ވަށައިގެންވާ ސަރަހައްދާއި އައްޑޫ ކަނޑުގެ 304 ނޯޓިކަލް މޭލުގެ ސަރަހައްދެއް ބަލާފައިވާ ކަމަށް އެމްއެންޑީއެފުން ވަނީ ބުނެފައެވެ.
