ޓެރަރިޒަމް އޮޕަރޭޝަންގައި 13 މީހަކު ހައްޔަރުކޮށްފި
12 މީހުންގެ ތެރެއިން ނުވަ މީހުން ހައްޔަރުކުރީ އައްޑޫ ސިޓީއިން
ދިވެހި ފުލުހުންގެ ހިދުމަތުން ބޭނުންކުރަން ފެށި ބޮޑީވޯން ކެމެރާ
ސަލާމަތީ ބާރުތަކުން އައްޑޫއާއި މާލޭގައި ކުރިއަށްގެންދާ ޓެރަރިޒަމާ ގުޅުން ހުރި އޮޕަރޭޝަނުގައި 13 މީހަކު ހައްޔަރުކޮށްފިއެވެ.
ފުލުހުން ބުނީ މި އޮޕަރޭޝަނުގައި ހައްޔަރުކޮށްފައިވާ 12 މީހުންގެ ތެރެއިން ނުވަ މީހުން ހައްޔަރުކުރީ އައްޑޫ ސިޓީއިން ކަމަށެވެ. މާލެއިން ހައްޔަރުކުރީ ދެ މީހުން ކަމަށާއި ދެ މީހަކު ކ. ގުރައިދޫ އިން ވެސް ހައްޔަރުކޮށްފައިވާ ކަމަށް ފުލުހުން ބުނެއެވެ.
މި އޮޕަރޭޝަނުގައި ހައްޔަރުކޮށްފައިވާ އެންމެންނަކީ ވެސް ދިވެހިން ކަމަށާއި އޮޕަރޭޝަން އަދިވެސް ކުރިއަށްދާ ކަމަށް ވެސް ފުލުހުން ބުނެއެވެ.
މި އޮޕަޜޭޝަން ފެށުމަށްފަހު ފުލުހުން މީޑިއާތަކާ މައުލޫމާތު ހިއްސާކޮށް ބުނެފައިވަނީ އައްޑޫ ސިޓީ އާއި މާލޭގެ އިތުރުން އައްޑޫ ސިޓީގެ ކަނޑުގެ ސަރަހައްދު ވެސް ބަލަމުންދާ ކަމަށެވެ.
ފުލުހުން ކުރިން ބުނެފައިވާ ގޮތުގައި، ރާއްޖޭގައި މީހުން މަރަން ފަސް ނުޖެހޭ، ހަރުކަށި ފިކުރުގެ 1،000 އަށް ވުރެ ގިނަ މީހުން ރާއްޖޭގައި އުޅެއެވެ. މީގެ ކުރިން ހިންގި ބައެއް އޮޕަރޭޝަންތަކުގައި ޓެރަރިސްޓް ޖަމާއަތްތަކާ ގުޅުން ހުރި އެކި ސާމާނާއި ލިޔެކިޔުން އަދި ގޮވާތަކެތި ހަދާ އެއްޗެހި ވެސް ފެނިފައިވާ ކަމަށެވެ.
