ޕީޕަލް މެގަޒިނުން ހޮވާ އެންމެ "ސެކްސީ" ފިރިހެނަކަށް ކްރިސް އިވާންސް
ކްރިސް އިވާންސް މަޝްހޫރުވެގެން އައީ މާވެލް ސިނަމެޓިކް މޫވީތަކުގައި، ސްޓީވް ރޮޖަރސް ނުވަތަ ކެޕްޓަން އެމެރިކާގެ ނަމުގައި ކުޅުނު ރޯލްތަކުން
ކްރިސް އިވާންސް
ޕީޕަލް މެގަޒިނުން ހޮވާ، މިވަގުތު ދުނިޔޭގައި ހުރި އެންމެ "ސެކްސީ"، ނުވަތަ އެންމެ ހިތް ދަމައިގަންނަފަދަ ސިފަތަކެއް ހުރި ފިރިހެނަކަށް މިއަހަރަށް ހޮވުނީ ހޮލީވުޑްގެ ތަރި ކްރިސް އިވާންސްއެވެ. އޭނާ ފަހުން މަޝްހޫރުވެގެން އައީ މާވެލް ސިނަމެޓިކް މޫވީތަކުގައި ސްޓީވް ރޮޖަރސް ނުވަތަ ކެޕްޓަން އެމެރިކާގެ ނަމުގައި ކުޅުނު ރޯލްތަކުންނެވެ.
އިވާންސް އެންމެ ފުރަތަމަ މަޝްހޫރުވީ ބައެއް ކޮމެޑީ ފިލްމުތައް ކަމަށްވާ "ނޮޓް އަނަދަރ ޓީން މޫވީ" އަދި ދަ ޕަރފެކްޓް ސްކޯރ" އިންނެވެ. ފުރަތަމަ ލިބުނު ސުޕަރ ހީރޯ ފިލްމުތަކަކީ "ފެންޓޭސްޓިކް ފޯ" އަދި އޭގެ ސީކުއެލް ފެންޓޭސްޓިކް ފޯ: ރައިސް އޮފްދަ ސިލަވަރ ސަރފަރ" އެވެ. ނަމަވެސް ދެފިލްމަކީވެސް ބޮކްސް އޮފީހުގަ ކާމިޔާބް ފިލްމްތަކެއް ނޫނެވެ.
ފަހުން ދުނިޔޭގެ ފެންވަރުގެ މަޝްހޫރުކަން ލިބުނީ ކެޕްޓަން އެމެރިކާ އަދި އެވެންޖަރ ފިލްމް ތަކުންނެވެ.
އެންމެ ސެކްސީ ފިރިހެނާގެ މަގާމަށް ހޮވުމަށްފަހު ޕީޕަލް މެގަޒިނާ ވާހަކަދައްކަމުން ކްރިސް އިވާންސް ބުނެފައިވަނީ މިކަމާ އެންމެ އުފާވާނީ އޭނާގެ މަންމަ ކަމުގައެވެ. އޭނާ ކުރާ ކޮންމެ ކަމަކާވެސް މަންމަ ފަޚުރުވެރިވާ ކަމަށާއި ނަމަވެސް މިފަހަރުގެ ޓައިޓަލްއަކީ މަންމަ އެވާހަކަ ދައްކާ ހުސް ނުވާނެ ޓައިޓަލްއެއް ނުވަތަ ލަގަބެއްކަމަށް އޭނާ ބުނެފައިވެއެވެ.
މަގާމް ލިބުނު ވާހަކަ ބުނުމުން ފުރަތަމަ އެކަން ގަބޫލު ނުކުރަންވެސް ކްރިސް އިވާންސް އުޅުނުކަމަށްވެއެވެ. އެއީ ފެންޓޭސްޓިކް ފޯގެ ހިތި ތަޖުރިބާއަށްފަހު އޭނާ މާޔޫސްވެފައި ހުރުމުންނެވެ.
ކްރިސް އިވާންސްގެ ކުރިން 2021ގައި އެމަގާމް ލިބުނީ ހަމަ މާވެލް ފިލްތަކުން ވިދާލި ޕޯލް ރަޑްއަށެވެ.
