ފެން ބިލުގެ ޖޫރިމަނާ މައާފުކުރުން އަންނަ ޖެނުއަރީން ފެށިގެން ނިމުމަކަށް
ފެން ބިލުގެ ޖޫރިމަނާ މައާފުކުރުން 31 ޑިސެމްބަރުގައި ނިމުމަކަށް އަންނާނެ
އެމްޑަބްލިޔުއެސްސީ ބިލްޑިންގ
އެމްޑަބްލިއުއެސްސީގެ ފަރާތުން ކަސްޓަމަރުންނަށް ބިލްތައް އަދާކުރުމަށް ލުއިފަސޭހަ މަގެއް ފަހިކޮށްދިނުމުގެ ގޮތުން ހިންގަމުންދާ ޖޫރިމަނާ މައާފުކޮށްދިނުމުގެ ޕްރޮގްރާމް ނިމުމަކަށް އަންނަން ކައިރިވެއްޖެއެވެ.
2019 ވަނަ އަހަރުން ފެށިގެން އެ ކުންފުނިން އަންނަނީ މި ޕްރޮގްރާމް ހިންގަމުންނެވެ. އެމްޑަބްލިއުއެސްސީން ބުނީ މިއަހަރުގެ 31 ޑިސެމްބަރު ވަނަ ދުވަހު މި ޕްރޮގްރާމް ނިމުމަކަށް އަންނާނެ ކަމަށެވެ.
މި ޕްރޮގްރާމުގެ ދަށުން، ބިލަށް ދައްކަންޖެހޭ ޖުމްލަ ފައިސާ މިމުއްދަތުގެ ތެރޭގައި އެއް ފަހަރާ ދެއްކުމުން، އެބިލެއްގެ ޖޫރިމަނާ ފައިސާ އެއްކޮށް މަޢާފުކުރެވިގެން ދެއެވެ. އަދި ފެން ބިލަށް އެއް ފަހަރާ ފައިސާ ނުދެއްކޭ ނަމަ، މި މުއްދަތުގެ ތެރޭގައި ބިލައް ފައިސާ ދައްކާ އިންސައްތައިގެ ނިސްބަތުން ޖޫރިމަނާ މަޢާފުކުރެވިގެން ދާނެއެވެ. އަދި މި މުއްދަތުގެ ތެރޭގައި އިންސްޓޯލްމަންޓް އުސޫލުން ބިލްތަކަށް ފައިސާ ދައްކާ ޚަލާސް ކުރުމުގެ ފުރުޞަތު ވެސް ލިބިގެންދެއެވެ.
އެމްޑަބްލިއުއެސްސީން ވަނީ މު މުއްދަތުގައި ބިލްތަކަށް ފައިސާ ދެއްކުމަށް އިލްތިމާސްކޮށްފައެވެ. އަދި ޖޫރިމަނާ އެރިޔަނުދީ ގަވައިދުން ބިލުތަކަށް ފައިސާ ދެއްކުމަށް ވަނީ އެދިފައެވެ.
