ޕެންޝަން އޮފީހުގެ ޗީފް އެގްޒެކެޓިވް އޮފިސަރަކަށް ސުޖާތާ ޙަލީމް
1 ނޮވެމްބަރު 2022 | އަންގާރަ 04:48މެދުނުކެނޑި 16 އަހަރު ސުޖާތާ ޙަލީމް ޚިދުމަތް ކުރައްވާފައިވޭ
ޕެންޝަން އޮފީހުގެ ޗީފް އެގްޒެކެޓިވް އޮފިސަރު ސުޖާތާ ޙަލީމް
ދިވެހިރާއްޖޭގެ ޕެންޝަނާ ބެހޭ ޤާނޫނުގައި ކަނޑައަޅާފައިވާ ގޮތުގެމަތިން ޕެންޝަން އޮފީހުގެ ބޯޑުން، އެ އޮފީހުގެ ޗީފް އެގްޒެކެޓިވް އޮފިސަރުގެ މަގާމަށް ސުޖާތާ ޙަލީމް، 5 އަހަރު ދުވަހުގެ މުއްދަތަށް ޢައްޔަނު ކުރައްވައިފިއެވެ.
ސުޖާތާ ޙަލީމް ވަނީ އެކްޓިން ޗީފް އެގްޒެކެޓިވް އޮފިސަރުގެ ހައިސިއްޔަތުން ޕެންޝަން އޮފީސް ހިންގެވުމުގެ ޒިންމާ 2 އަހަރަށްވުރެ ދިގު މުއްދަތެއް ވަންދެން އަދާކުރައްވާފައެވެ. މީގެ އިތުރުން، 2015 ވަނަ އަހަރުން ފެށިގެން ޕެންޝަން އޮފީހުގެ ޗީފް އޮޕަރޭޓިން އޮފިސަރުގެ މަގާމު ވެސް މިއަދާ ހަމައަށް ފުރުއްވާފައިވެއެވެ.
ދިވެހިރާއްޖޭގައި ދެމެހެއްޓެނިވި އަދި ޒަމާނީ ޕެންޝަން ނިޒާމެއް ތަޢާރަފު ކުރުމަށް ކުރެވުނު މަސައްކަތްތަކުގެ އެންމެ ކުރީ ސަފުގައި މެދުނުކެނޑި 16 އަހަރު ސުޖާތާ ޙަލީމް ޚިދުމަތް ކުރައްވާފައިވެއެވެ. މިގޮތުން، ވޯލްޑް ބޭންކުން ދިވެހިރާއްޖޭގައި ކުރިއަށް ގެންދެވި ޕެންޝަން އެންޑް ސޯޝަލް ޕްރޮޓެކްޝަން އެޑްމިނިސްޓްރޭޝަން ޕްރޮޖެކްޓް ހިންގެވުމާއި، ދިވެހިރާއްޖޭގެ ޕެންޝަނާ ބެހޭ ޤާނޫނު އެކުލަވާލުމަށް ކުރެވުނު މަސައްކަތުގައި އަދި އެ ޤާނޫނު ތަންފީޛު ކުރުމުގައި އިސް ދައުރެއްވަނީ އަދާކުރައްވާފައެވެ.
ޕެންޝަން އޮފީހުގެ ބޯޑުގެ އަމާޒަކީ، ސުޖާތާ ޙަލީމްގެ އިސްނެންގެވުމުގެ ދަށުން ޕެންޝަން އޮފީސް އިތުރު ހަރުފަތަކަށް ގެންދިއުމަށްޓަކައި ކާމިޔާބު މަސައްކަތްތަކެއް ކުރެވިގެން ދިއުމެވެ.
