ފޭރުމުގެ މައްސަލާގައި ކޯޓު އަމުރެއްގެ ދަށުން މީހަކު ހައްޔަރުކޮށްފި
ފުލުހުން ހައްޔަރުކޮށްފައި ވަނީ 23 އަހަރަގެ ފިރިހެނެއް
ފުލުހުން ހާއްސަ އޮޕަރޭޝަނެންގައި
ރާއްޖޭގައި މަސައްކަތްކުރާ ޔުކްރެއިން މީހެއްގެ އަތުން އަތްދަބަސް ފޭރުނު މައްސަލާގައި މީހަކު ހައްޔަރުކޮށްފިއެވެ.
ފުލުހުން ބުނީ އެ މީހާގެ އަތްދަބަސް ފޭރިގެންފައި ވަނީ މިމަހުގެ 19 ވަނަ ދުވަހު ސަލަތައި ރެސްޓޯރަންޓް ކައިރިން ކަމަށެވެ. އަދި މިމަހުގެ 11 ވަނަ ދުވަހު ޗާންދަނީ މަގު ފަރިވާ ކައިރިން ވެސް ފޭރުނު މައްސަލައެއް ރިޕޯޓް ކޮށްފައިވާ ކަމަށް ފުލުހުން ބުންޏެވެ. ފުލުހުން ބުނީ މި ދެ މައްސަލައާ ގުޅިގެން މީހަކު ހައްޔަރުކޮށްފައިވާ ކަމަށެވެ.
ބުރާސްފަތި ދުވަހު 16:50 ކަންހާއިރު ފޭރުމުގެ ތުހުމަތުގައި ހައްޔަރުކޮށްފައި ވަނީ އުމުރުން 23 އަހަރަގެ ފިރިހެނަކެވެ. އޭނާ ހައްޔަރުކުރީ ކޯޓް އަމުރެއްގެ ދަށުންނެވެ.
ރޯދަ މަހުގެ ތެރޭގައި މާލޭގައި ފޭރުމުގެ މައްސަލަތައް ވަނީ ވަރަށް ބޮޑަށް އިތުރުވެފައެވެ.
