އުރީދޫ މޯލްޑިވްސްއާއި ޔޫ.އެން.ޑީ.ޕީ މޯލްޑިވްސް ގުޅިގެން ކުރިއަށްގެންދާ މިޔަހެލި 2022 - މަދަނީ ޖަމްއިއްޔާތަކުގެ އެޑިޝަންއަށް ރަޖިސްޓްރީވުމުގެ ފުރުސަތު ހުޅުވާލައިފިއެވެ.
އުރީދޫ މޯލްޑިވްސްއާއި ޔޫއެންޑީޕީ މޯލްޑިވްސް ގުޅިގެން ކުރިއަށްގެންދާ މިޔަހެލި 7 ވަނަ އެޑިޝަނަށް ރަޖިސްޓްރީވުމުގެ ފުރުސަތު ހުޅުވާލާފައިވަނީ 19 އޮކްޓޯބަރ 2022ގައެވެ. އެހެން އަހަރުތަކާ ޚިލާފަށް 2022 ވަނަ އަހަރުގެ ސޯޝަލް އިނޮވޭޝަން ޗެލެންޖަކީ މަދަނީ ޖަމްއިއްޔާތަކަށް "އިނޮވޭޝަން ފޯ ޕީޕަލް، ޕްލެނެޓް އެންޑް ޕްރޮސްޕެރިޓީ" މި ޝިއާރުގެ ދަށުން ހުޅުވާލެވިފައިވާ ޗެލެންޖެކެވެ.
މިޔަހެލި 2022ށް ޝައުގުވެރިވާ މަދަނީ ޖަމްއިއްޔާތަކުން ރަޖިސްޓްރީވުމަށްhttps://bit.ly/3Tak3Leމި ލިންކަން ޒިޔާރަތްކުރުމަށް އެދިފައިވެއެވެ.
ޔޫ.އެން.ޑީ.ޕީ މޯލްޑިވްސްއާއެކު، ދެމެހެއްޓެނިވި ގޮތެއްގަ ހައްލު ހޯދުމާ، މުޖުތަމައުތަކަށް ކުރިމަތިވެފަވާ މައްސަލަތައް ހައްލުކުރުމުގެ މަގުސަދުގަ ކުރިއަށްގެންދާ މިޔަހެލި ޕްރޮގްރާމްގަ ބައިވެރިވުމުގެ ފުރުސަތު މި އަހަރުވެސް މި ހުޅުވާލީ ނުހަނު އުފަލާއެކު. މިއަހަރުގެ މިޔަހެއްޔަކީ ރާއްޖޭގެ އެކި ކަންކޮޅުތަކުގައި ހަރަކާތްތެރިވާ މަދަނީ ޖަމްއިއްޔާ ޖަމާއަތްތަކުގެ ޚިޔާލުތައް ހަގީގަތަކަށް ހަދާ، ރައްޔިތުންނަށާ، އަޅުގަނޑުމެންގެ ދުނިޔެއަށް ފާގަތި މުސްތަގުބަލެއް ކަށަވަރުކުރުމަށްޓަކާ ފުރުސަތުތައް ތަނަވަސްކޮށް، މުޖުތަމައަށް އެހީތެރިކަން ފޯރުކޮށްދިނުމަށް ލިބިގެންދާ ވަރަށް ބޮޑު ފުރުސަތެއް. މިއަހަރުގެ ބައިވެރިންގެ ފަރާތުންވެސް އީޖާދީ އަދި މުހިންމު ހައްލުތަކާއެކު ވަރަށް ފުރިހަމަ ކޭމްޕެއް ކުރިއަށްގެންދެވޭނެކަމުގެ އުއްމީދު އެބައޮތް.ުއުރީދޫ މޯލްޑިވްސްގެ މެނޭޖިންގ ޑިރެކްޓަރު އަދި ސީއީއޯ ޚާލިދު އަލް ހަމާދީ
އެހެން އަހަރުތަކެކޭވެސް އެއްފަދައިން، ބައިވެރިވާ ޓީމުތަކަށް ބޭނުންވާ ވަސީލަތްތަކާއި އިތުރު އިލްމާއި އިރުޝާދު، މެންޓަރުންނާއި ފެސިލިޓޭޓަރުންގެ ފަރާތުން އެފަރާތްތަކުގެ ޚިޔާލުތައް ބިނާކުރުމަށް ފޯރުކޮށްދިނުމަށް ވަނީ ހަމަޖެހިފައެވެ. ބައިވެރިވާ ޓީމްތަކުން، މުޖުތަމައުއަށް ކުރާ ނޭދެވޭ އަސަރުތަކަށް ވިސްނައިގެން، ގެންނަން ބޭނުންވާ މުހިންމު އިޖުތިމާއީ ބަދަލުތައް ދެނެގަނެ އެ ޚިޔާލުތައް އިތުރަށް ފުރިހަމަކުރުމަށް އުރީދޫ މޯލްޑިވްސްއާއި ޓެކްނިކަލް ދާއިރާތަކުން ބައިވެރިވާ މެންޓަރުން އެހީތެރިވުމަށް ޓީމްތަކާއެކު ހަރަކާތްތެރިވާނެއެވެ. މިޔަހެލި ސޯޝަލް އިނޮވޭޝަން ޗެލެންޖުގެ ސަބަބުން މަދަނީ ޖަމްއިއްޔާތަކުގެ އާންމު ހަރަކާތްތަކުގެ ބޭރުން އީޖާދީ ހައްލުތައް ހޯދުމަށް ހިތްވަރު ލިބިގެންދާނެއެވެ.
މިޔަހެލި ކޭމްޕްގައި ބައިވެރިވުމަށް 13 މަދަނީ ޖަމްއިއްޔާއެއް ހޮވުމަށް ހަމަޖެހިފައިވާއިރު، އޭގެ ތެރެއިން 3 ޖަމްއިއްޔާއެއްގެ ޚިޔާލު ޕައިލެޓް ކުރުމުގެ ފުރުސަތު ލިބިގެންދާނެއެވެ. މޮޅުވާ ތިން ޓީމަށް 3 ލައްކަ ރުފިޔާގެ ސީޑް ފަންޑިންގއާއި، ހުށަހަޅާފައިވާ ބަޖެޓާއި ޝަރުތުތަކާ އެއްގޮތްވާ ގޮތުގެ މަތިން، މެންޓަރޝިޕް ދިނުމަށް ހަމަޖެހިފައިވާއިރު، އެ ޚިޔާލުތައް ކުރިއެރުވުމަށް މިޔަހެލި ޕްރޮގްރާމުން މަސައްކަތްކުރާނެއެވެ. މިޔަހެލީގެ ގްރާންޓް ލިބޭ 3 ފަރާތުން 2 ސްލޮޓް ޚާއްސަކުރާނީ މާލެ ސަރަހައްދުން ބޭރުގައި ހިންގާ މަދަނީ ޖަމްއިއްޔާތަކަށެވެ.
މިޔަހެލި 2022އަކީ އުރީދޫ މޯލްޑިވްސްއާއި ޔޫއެންޑީޕީ މޯލްޑިވްސް ގުޅިގެން 2016 ވަނަ އަހަރު ރަސްމީކޮށް ތައާރަފްކުރި ސޯޝަލް އިނޮވޭޝަން ކޭމްޕެކެވެ.
މިޔަހެލި ސޯޝަލް އިނޮވޭޝަން ކޭމްޕް 2022އާ ބެހޭ އިތުރު މައުލޫމާތު ހޯދުމަށްhttp://bit.ly/3sojnX3އަށް ޒިޔާރަތް ކޮށްލުމުން މައުލޫމާތު ލިބިވަޑައިގަންނަވާނެއެވެ.
