އެސްޓީއޯއިން "އަންކަރާ ނައިޓް" ބާއްވައިފި
މި އިވެންޓުގައި އަންކަރާ ޕާސްތާ ޕްރޮމޯޓްކޮށްފައިވޭ
އަންކަރާ ނައިޓް
ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން "އަންކަރާ ނައިޓް"ގެ ނަމުގައި ބްރޭންޑް ޕްރޮމޯޓުކުރުމުގެ ހަފްލާއެއް ކުރިއަށްގެންގޮސްފިއެވެ.
މި ހަފްލާ ކުރިއަށްގެންގޮސްފައިވަނީ ހުކުރު ދުވަހުގެރޭ އައްޑޫ ހައި ސްކޫލުގައެވެ. އަންކަރާ ބްރޭންޑުގެ ޕާސްތާއަކީ އެސްޓީއޯއިން ރާއްޖެ އެތެރެކޮށް މާކެޓުކުރާ ބްރޭންޑެެކެވެ.
އެސްޓީއޯއިން ބުނީ މި ހަފްލާ ކުރިއަށްގެންގޮސްފައިވަނީ އާންމުންނަށް ހުޅުވާލައިގެން ކަމަށެވެ. އެއްވެސް ފީއެއް ނުނަގާ ކުރިއަށްގެންދިޔަ މި އިވެންޓުގައި އަންކަރާ ޕާސްތާގެ އަޖުމަ ބަލާލުމުގެ ފުރުސަތު ހުޅުވާލާފައިވެއެވެ.
އަދި މި ބްރޭންޑުގެ ޕާސްތާއާ ގުލޭ މުހިންމު މައުލޫމާތު ދިނުމާއި، މި ބްރޭންޑު ބޭނުންކޮށްގެން ހެދިދާނެ ތަފާތު ޕާސްތާ ރެސިޕީތަކާއި އޭގެ ރަހަ އާންމުންނަށް ދައްކާލާފައިވާކަމަށް އެސްޓީއޯއިން ބުނެފައިވެއެވެ.
އަންކަރާ އަކީ ތުރުކީގެ ނަން މަޝްހޫރު ޕާސްތާ ބްރޭންޑެެކެވެ.
