އެސްޓީއޯގެ އާމްދަނީ އާއި ފައިދާ ދަށަށް ހިނގައްޖެ
މިދިޔަ އަހަރު، ޓެކްސް ހިމަނައިގެން އެސްޓީއޯގެ ސާފު ފައިދާއަކީ 846 މިލިޔަން ރުފިޔާއެވެ. މިއީ 2023 ވަނަ އަހަރާއި އަޅާބަލާއިރު 15 އިންސައްތައިގެ ދަށްވުމެކެވެ
އެސްޓީއޯ ޕީޕަލްސް ޗޮއިސް
ހުސްވި އަހަރު އެސްޓިއޯ އަށް ލިބުނު އާމްދަނީ އޭގެ ކުރީ އަހަރާ އަޅާ ބަލާއިރު 6 އިން ސައްތަ ދަށަށް ހިނގައްޖެއެވެ.
ކުންފުނީގެ ތަފާސް ހިސާބުތައް ދައްކާ ގޮތުން، ފާއިތުވި 2024 ވަނަ އަހަރު ކުންފުންޏަށް ލިބިފައިވާ ޖުމްލަ އާމްދަނީގެ އަދަދަކީ 15.4 ބިލިޔަން ރުފިޔާ އެވެ.
އާމްދަނީ ދަށަށް ދިޔައިރު ކުންފުންޏަށް ލިބުނު ފައިދާވެސް ވަނީ ދަށަށް ގޮސްފައެވެ. 2024 ވަނަ އަހަރު ޖުމްލަ ފައިދާގެ ގޮތުގައި 2.4 ބިލިއަން ރުފިޔާ ލިބިފައިވާ އިރު މިއީ އޭގެ ކުރީ އަހަރާ އަޅާ ބަލާއިރު 12 އިން ސައްތައިގެ ދަށްވުމެއް ކަމަށް އެސްޓީއޯ އިން ވަނީ ހާމަ ކޮށްފައެވެ.
ކުންފުނީގެ ތަފާސް ހިސާބުތައް ދައްކާ ގޮތުން ހިންގުމުގެ ފައިދާ ވެސް ވަނީ ދަށްވެފައެވެ. ހުސްވި އަހަރު ހިންގުމުގެ ފައިދާގެ ގޮތުގައި ލިބިފައިވަނީ 1.1 ބިލިޔަން ރުފިޔާ އެވެ.
މިދިޔަ އަހަރު، ޓެކްސް ހިމަނައިގެން އެސްޓީއޯގެ ސާފު ފައިދާއަކީ 846 މިލިޔަން ރުފިޔާއެވެ. މިއީ 2023 ވަނަ އަހަރާއި އަޅާބަލާއިރު 15 އިންސައްތައިގެ ދަށްވުމެކެވެ.
ޓެކްސް އުނިކުރުމުން އެސްޓީއޯ އަށް 2024 ވަނަ އަހަރު ސާފުފައިދާގެ ގޮތުގައި ލިބިފައިވަނީ 741 މިލިޔަން ރުފިޔާ އެވެ.
