އެލައިޑާއި ސިފައިން ދެވަނަ ބުރަށް

އެލައިޑާއި ދިވެހި ސިފައިންގެ ކްލަބް ކްލަބް މޯލްޑިވްސްކަޕްގެ ދެވަނަ ބުރުން ޖާގަ ހޯދައިފިއެވެ.

ފަހު ޖާގަަ މި ދެ ޓީމު ހޯދީ ގްރޫޕް ސްޓޭޖްގައި ކުޅުނު ފަހު ދެ މެޗު ކާމިޔާބުކޮށްގެންނެވެ. ޓީމް އެލައިޑް ފަހު މެޗުގައި ކްލަބް އިމިގްރޭޝަން ބަލިކުރީ 2-0 ނެވެ. އެލައިޑަށް ދެ ލަނޑު ކާމިޔާބުކޮށްދިނީ އިބްރާހީމް ހާމިދުއާއި, މުހައްމަދު އިސާމްއެވެ. އެލައިޑް ހިމެނޭ ގްރޫޕްގެ އެއްވަނަ ހޯދީ އެސްޓީއޯ ރެކްރިއޭޝަން ކްލަބެވެ. އެސްޓީއޯ ވަނީ ފަހު މެޗުގައި 10-0 ން މުލީއާގެ ރެކްރިއޭޝަން ކްލަބް ބަލިކޮށްފައެވެ. އެސްޓޯއޯ އެއްވަނަ ހޯދީ ކުޅުނު ތިން މެޗުވެސް ކާމިޔާބުކޮށްގެންނެވެ.

ގްރޫޕް ޖީގެ ދެވަނަ ޓީމްގެ ގޮތުގައި ދިވެހި ސިފައިންގެ ކްލަބް ދެވަނަ ބުރު ޔަޤީން ކުރީ ފަހު މެޗުގައި 6-2 ން އެމްއެމްއޭ ސޯޝަލް ކްލަބް ބަލިކޮށްގެންނެވެ. މިގްރޫޕުން އެއްވަނަ ހޯދީ ކުޅުނު ތިން މެޗު ވެސް ކާމިޔާބުކުރި ކްލަބް އެޗްޑީސީއެވެ. އެޗްޑީސީ ފަހު މެޗު ކާމިޔާބުކުރީ ކްލަބް ޓީޓީއެސްއާ ވާދަކޮށް 5-2 ނެވެ.