ޔޫރަޕިއަން ޔޫނިއަން އިތުރަށް ފުޅާކުރަން ޝޯލްޒް ގޮވާލައްވައިފި

ޔޫރަޕިއަން ޔޫނިއަން (އީޔޫ) އިތުރަށް ފުޅާކޮށް، ބޮޑުކުރަން ޖަރމަން ކައުންސެލަރ އޯލަފް ޝޯލްޒް ގޮވާލައްވައިފިއެވެ.

ޔޫރަޕިއަން ސޯޝަލް ޑިމޮކްރެޓުންގެ ބައްދަލުވުމެއްގައި ޝޯލްޒް ވިދާޅުވީ އީޔޫ އިތުރަށް ފުޅާވެ، ބޮޑުވުމަކީ މިހާރު ދުނިޔޭގައި ހިނގާ ކަންކަން ހައްލުކުރަން އިތުރަށް ފަސޭހަވެގެންދާނެ ކަމެއް ކަމަށެވެ.

ޝޯލްޒް ވަނީ ބަލްކަންސްއާއި، އަދިވެސް މިނޫން ސްޓޭޓުތައް އީޔޫއާ ގުޅުވުމަށް އެމަނިކުފާނުގެ ފޮރިން ޕޮލިސީގައި ވެސް ހިމަނުއްވާފައެވެ. މިއީ ރަޝިއާ-ޔޫކްރެއިން ހަނގުރާމަ ހުއްޓުވަން ކުރާ މަސައްކަތަށް ވެސް އިތުރު ބާރެއް ލިބިގެންދާނެ ކަމެއް ކަމަށް ޝޯލްޒް ވިދާޅުވިއެވެ.

އީޔޫ އެކުލެވިގެންވަނީ ޔޫރަޕުގެ 27 މެމްބަރު ސްޓޭޓެއްގެ މައްޗަށެވެ. ޝޯލްޒްގެ އަމަޒަކީ މި ޔޫނިއަންގައި 30 ނުވަތަ 26 މެމްބަރު ސްޓޭޓް ހިމެނުމެވެ.