ދަރިވަރަކާ އެއްޖިންސުން ގުޅުން ހިންގި މުދައްރިސަކު ހައްޔަރުކޮށްފި
22 ޖޫން 2017 | ބުރާސްފަތި 02:51ހައްޔަރު ކޮށްފައިވަނީ ށ. މިލަންދޫ ސްކޫލްގައި އިސްލާމް ކިޔަވައިދޭ މުދައްރިސެއް
އިސްމާއިލް ނާއިލް ނަޝީދު | 22 ޖޫން 2017 | ބުރާސްފަތި 02:51
މިލަންދޫ ސްކޫލްގެ ދަރިވަރުންތަކެއް
ކުޑަ ފިރިހެން ކުއްޖަކަށް ޖިންސީ ގޯނާކުރި މުދައްރިސަކު ހައްޔަރުކޮށްފިއެވެ.
ފުލުހުން ބުނީ ކުޑަ ފިރިހެންކުއްޖަކާ އެކު އެއްޖިންސުން ގުޅުން ހިންގިކަމުގެ ތުޙުމަތުގައި، ށ. މިލަންދޫއިން 41 އަހަރުގެ މީހަކު ހައްޔަރުކޮށްފައިވާ ކަމަށެވެ.
މައުލޫމާތު ލިބިފައިވާ ގޮތުގައި މި މައްސަލައިގައި ހައްޔަރުކޮށްފައި ވަނީ މިލަންދޫ ސްކޫލްގައި އިސްލާމް ކިޔަވައިދޭ މުދައްރިސެކެވެ. އަދި އޭނާ ޖިންސި ގޯނާ ކޮށްފައިވަނީ އޭނާގެ ދަރިވަރަކަށެވެ.
މި މައްސަލައިގައި އޭނަގެ ބަންދަށް ކޯޓުން 15 ދުވަހުގެ މުއްދަތެއް ޖަހައިދީފައިވާއިރު، މައުލޫމާތު ލިބިފައިވާ ގޮތުގައި ހައްޔަރުކުރިއިރު، އެ މުދައްރިސް ހުރީ މި މައްސަލައިގައި ސްކޫލުން ސަސްޕެންޑް ކޮށްފައެވެ.
