އިޒުރޭލްގެ މެކަބީ ހައިފާއިން ޔުވެންޓަސް ސިއްސުވާލައިފި، ތާރީޚީ މޮޅެއް!
ޔުވެންޓަސްއާ މެކަބީ ހައިފާވެސް އޮތީ ތިން ޕޮއިންޓްގައި
މެކަބީ ހައިފާގެ ދެވަނަ ލަނޑަށްފަހު އުފާ ފާޅުކުރަނީ
އިޒްރޭލްގެ މެކަބީ ހައިފާއިން އިޓަލީގެ ގަދަބާރު ޔުވެންޓަސް ސިއްސުވާލުމަށްފަހު ޗެމްޕިއަންސްލީގުގައި ތާރީޚީ މޮޅެއް ހޯދައިފިއެވެ.
އަމިއްލަ ސަޕޯޓަރުންގެ ކުރިމަތީގައި މެކަބީ ހައިފާއިން ޔުވެންޓަސް ބަލިކުރީ 2-0 ނެވެ. ފުރަތަމަ ހާފްގައި ދެ ލަނޑުވެސް ޖެހީ އަޓްޒިލީއެވެ. އޭނާ ލަނޑު ޖެހީ ހަތްވަނަ މިނެޓާއި 42 ވަނަ މިނެޓުގައެވެ. މިބައްޔާއެކު ބާކީ ދެމެޗު އޮއްވާ ޔުވެންޓަސް ވަނީ ގްރޫޕްގެ ތިންވަނައަށް ސޮއްސާލާ, ދެވަނަ ބުރުން ޖާގަ ހޯދަން އުނދަގޫ ހާލަތަކަށް ގޮސްފައެވެ. ހަތަރު މެޗުން ޔުވެންޓަސްއަށް ލިބިފައިވަނީ ތިން ޕޮއިންޓެވެ. އެއީ ޔުވެންޓަސްގެ ދަނޑުގައި މެކަބީ ހައިފާ ބަލިކޮށްގެން ހޯދި ތިން ޕޮއިންޓެވެ. ގަދަ ސޯޅައިން ޖާގަ ހޯދަން ޔުވެންޓަސްއަށް ދެން އޮތީ ބެންފީކާއާއި, ޕީއެސްޖީ ބަލިކުރުމެވެ.
ޗެމްޕިއަންސް ލީގުގެ އިތުރުން ސެރީ އޭގައިވެސް ޔުވެންޓަސްގެ ނަތީޖާތަށް ދަށެވެ. ކޯޗު އެލެގްރީގެ މުސްތަޤްބަލާމެދު ވަނީ ސުވާލުއުފެދިފައެވެ.
