ރޮމްބަސް ފުޓުބޯޅަ ފެސްޓިވަލް: ޔަންގް އެފްސީގެ މައްޗަށް އަސުރުމާ ކުރިހޯދައިފި

ލ.ކުނަހަންދޫގައި ކުރިޔަށްދާ ރޮމްބަސް ފުޓުބޯޅަ ފެސްޓިވަލްގައި ޔަންގް އެފްސީގެ މައްޗަށް އަސުރުމާ ކުރިހޯދައިފި އެވެ.

ބުދަ ދުވަހު ހަވީރު ކުޅުނު މެޗު ޔަންގް އެފްސީއާ ވާދަކޮށް އަސުރުމާ ޓީމު ކުރިހޯދީ 0-2 ގެ ނަތީޖާއަކުންނެވެ.

މި މެޗުގައި އަސުރުމާ ޓީމަށް ލަނޑުތައް ކާމިޔާބުކޮށްދިނީ މުހައްމަދު އަޒްމީލް އަދި މުހައްމަދު އިމްރާން އެވެ. މި މެޗުގެ މޮޅު ކުޅު ކުޅުންތެރިޔަކަށް ހޮވިފައިވަނީ މެޗުގައި ލަނޑު ޖެހި މުހައްމަދު އަޒްމީލް އެވެ.

ހޯމަ ދުވަހު ފެށި މި މުބާރާތުގައި މިހާތަނަށް ދެ މެޗު ވަނީ ކުޅެފައެވެ. ފުރަތަމަ މެޗުގައި ބައިކާސްއާ ވާދަކޮށް 0-4 ގެ ތަފާތުބޮޑު ނަތީޖާއަކުން ޔަންގް އެފްސީ މެޗު ކާމިޔާބުކުރިއިރު، ދެވަނަ މެޗުގައި ސެވެން ބަދަވިންއާ ވާދަކޮށް ބައިކާސް އެފްސީ ވަނީ މޮޅުވެފައެވެ.

މުބާރާތުގައި ބުރާސްފަތި ދުވަހު ބައްދަލުކުރާނީ ބައިކާސް އެފްސީ އާއި ޖޭޖޭ ޕާޅޭ އެވެ. މި މެޗުގެ ކުޅުން ފަށާނީ ބުރާސްފަތި ދުވަހު ހަވީރު 4:45 ގައެވެ.