ސިޓީ އިޚްތިޔާރުކުރުމުން ގާޑިއޯލާގެ ޝުކުރު ހާލަންޑަށް!
ގާޑިއޯލާ ބުނީ ހާލަންޑު ސިޓީއާ ގުޅުމުން އެ ޓީމުގެ ހުރިހާ ކުޅުންތެރިން ވެސް ތިބީ ވަރަށް ހިތްހަަމަ ޖެހިގެން ކަމަށް.
ހާލަންޑު އަދި ގާޑިއޯލާ
މެންޗެސްޓަރ ސިޓީ އިޚްތިޔާކުރުމުން ޕެޕް ގާޑިއޯލާ އާލިން ހާލަންޑަށް ޝުކުރު އަދާކޮށްފިއެވެ.
ބޮރޫޝިއާ ޑޯޓްމަންޑު ދޫކޮށް ހާލަންޑު ސިޓީ އަށް ބަދަލުވީ މި ސީޒަންގައެވެ. އޭގެ ފަހުން އޭނާ އަންނަނީ ސިޓީގައި މޮޅު ކުޅުމެއް ދައްކަމުންނެވެ. މި ސީޒަންގެ މިހާތަނަށް ލަނޑު ޖެހުމުގައި އެންމެ ރަނގަޅު ފޯމުގައި ހުރީ ވެސް ހާލަންޑުއެވެ.
ހާލަންޑާ ގުޅޭ ގޮތުން ވާހަކަ ދައްކަމުން ގާޑިއޯލާ ބުނީ ސިޓީ އިޚްތިޔާކުރުކޮށްފައިވާތީ ހާލަންޑަށް ވަރަށް ބޮޑަށް ޝުކުރު އަދާކުރާކަމަށެވެ. މީގެ އިތުރުން އޭނާ ބުނީ، ހާލަންޑާ ގުޅޭ ގޮތުން ވަރަށް ބައިވަރު ސުވާލުތައް ކޮންމެ ދުވަހު އަންނަ ކަމަށެވެ. ގާޑިއޯލާ ބުނީ ހާލަންޑު ސިޓީއާ ގުޅުމުން އެ ޓީމުގެ ހުރިހާ ކުޅުންތެރިން ވެސް ތިބީ ވަރަށް ހިތްހަަމަ ޖެހިގެން ކަމަށެވެ. ޚާއްސަކޮށް އޭނާ ވަނީ ސިޓީ އަށް ކުޅެމުން އަންނަ ބެލްޖިއަމްގެ މިޑްފީލްޑަރު ކެވިން ޑި ބްރައިނާގެ ނަން ފާހަގަކޮށްފައެވެ. ގާޑިއޯލާ ބުނީ، ހާލަންޑާއެކު ޑި ބްރައިނާ ވެސް ހުންނަނީ ވަރަށް ހިތްހަމަ ޖެހިގެން ކަމަށެވެ.
ސިޓީ އަށް ބަދަލުވި ފަހުން ހާލަންޑު ވަނީ އެ ޓީމަށް ކުޅެދިން 12 މެޗުގައި 19 ލަނޑު ޖަހާފައެވެ. މި ސީޒަންގެ ޕްރިމިއާ ލީގުގެ ލަނޑު ލިސްޓުގެ ކުރީގައި އޮތީ ވެސް ހާލަންޑުއެވެ. މީގެ އިތުރުން މި ސީޒަންގެ ޔުއެފާ ޗެމްޕިއަންސް ލީގުގެ ލަނޑު ލިސްޓުގެ ކުރީގައި ވެސް އޮތީ ހާލަންޑުއެވެ.
