ވޯލްޑް ކަޕް ދުވަސްވަރު ގަތަރުގެ ސަރުކާރު މުވައްޒަވުން މަސައްކަތްކުރާނީ ގޭގައި
6 އޮކްޓޯބަރު 2022 | ބުރާސްފަތި 15:13މުވައްޒަފުން ގޭގައި މަސައްކަތްކުރާނީ މިއަންނަ ނޮވެމްބަރު މަހުގެ ފުރަތަމަ ދުވަހުން ފެށިގެން ޑިސެމްބަރު 19ގެ ނިޔަލަށް
މިފަހަރުގެ ވޯލްޑް ކަޕް އޮންނާނީ ގަތަރުގައި
މިއަންނަ މަހު ގަތަރުގައި ފަށާ ފީފާ ވޯލްޑް ކަޕް އޮންނަ ދުވަސްވަރު ގަތަރު ސަރުކާރުގެ އިދާރާތަކުގައި މަސައްކަތްކުރާ ގިނަ މުވައްޒަފުން އޮފީހަށް ހާޒިރުނުވެ ގޭގައި މަސައްކަތްކުރުމަށް އަންގައިފިއެވެ.
މިގޮތަށް އަމަލުކުރަން ފަށާނީ މިއަންނަ ނޮވެމްބަރު މަހުގެ ފުރަތަމަ ދުވަހުން ފެށިގެން ޑިސެމްބަރު 19ގެ ނިޔަލަށެވެ. ސަރުކާރު މުވައްޒަފުންގެ 80 އިންސައްތަ މުވައްޒަފުން ގޭގައި ތިބެގެން މަސައްކަތްކުރާގޮތަށް ގަތަރުގެ ސަރުކާރުން ވަނީ ނިންމާފައެވެ.
މީގެ އިތުރުން، މުބާރާތް ފެށުމުގެ ދެހަފުތާ ކުރިން ގަތަރުގެ ހުރިހާ ސްކޫލެއްގައި ކިޔަވައިދިނުންވެސް މެދުކަނޑާލާނެއެވެ. އަދި ނޮވެމްބަރު 1ން ފެށިގެން ސްކޫލުތަކުގައި ކިޔަވައިދޭ ވަގުތު މަދުކުރުމަށްވެސް ވަނީ ނިންމާފައެވެ.
މިހާތަނަށް މެދުއިރުމަތީގެ އެއްވެސް ގައުމެއްގައި ފީފާ ވޯލްޑް ކަޕް ބާއްވާފައެއް ނުވެއެވެ. މިއަންނަ މަހު ގަތަރުގައި ބޭއްވުމަށް ތާވަލުކުރެވިފައިވަނީ މެދުއިރުމަތީގައި ބާއްވާ ފުރަތަމަ ވޯލްޑް ކަޕެވެ.
ގަތަރުން އަންދާޒާކުރާ ގޮތުގައި މިފަހަރުގެ ވޯލްޑް ކަޕާ ދިމާކޮށް 1.2 މިލިއަން މީހުން އެގައުމަށް ޒިޔާރަތް ކުރާނެއެވެ. މުބާރާތް ފަށާނީ ނޮވެމްބަރު 20 ވަނަ ދުވަހުއެވެ.
