އިތުބާރު ނެތްކަމުގެ މައްސަލައިގައި ސޮއިކުރެއްވީ 12 މެންބަރުން – ނަޝީދު
އަޅުގަނޑަށް ވަރަށް ބޮޑު އިތުބާރެއް އޮވޭ މި މަޖިލީހުގެ އަގުލަބިއްޔަތު މެންބަރު، މާ ބޮޑު އަގުލަބިއްޔަތު މެންބަރުން އަޅުގަނޑަށް އިތުބާރު ކުރައްވާ ކަމަށް
މުހައްމަދު ނަޝީދު - ރައްޔިތުންގެ މަޖިލީހުގެ ރައީސް
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ އިތުބާރު ނެތްކަމަށް މަޖިލީހަށް ހުށަހަޅަން މަސައްކަތް ކުރި މައްސަލައިގައި ސޮއިކުރެއްވީ 12 މެންބަރު ކަމަށް އެމަނިކުފާނު ވިދާޅުވެއްޖެއެވެ.
ކޮމްޕްރަމައިޒްވެވަޑައިގެން މަޖިލީހުގެ ރައީސްކަމުގައި ހުންނަވާކަމަށް ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވި ވާހަކައާއި ގުޅިގެން ރައީސް ނަޝީދު ވިދާޅުވީ މެންބަރުންނަށް ޔަގީންކަން އަރުވަން ބޭނުންފުޅުވަނީ، ރައްޔިތުންގެ މަޖިލީހުގެ ރައީސްގެ މަގާމުގައި އަދި އެ ގޮނޑީގައި އަދި އެހެން މަގާމެއްގައި ވެސް ކޮމްޕްރަމައިޒް ވެގެން ނުހުންނަވާނެ ކަމަށެވެ.
ރައީސް ނަޝީދު ވިދާޅުވީ އަލިފުށީ ދާއިރާގެ މެންބަރު މުހައްމަދު ރަޝީދު ހުސައިން، އިސްވެ ހުންނަވާ އެމަނިކުފާނުގެ މައްޗަށް އިތުބާރު ނެތްކަމަށް ވޯޓު ނެގުމަށް މަސައްކަތް ކުރެއްވި ކަމަށެވެ. އަދި މަޖިލީހުގެ 12 ވަރަކަށް މެންބަރުން އޭގައި ސޮއި ވެސް ކުރެއްވި ކަމަށެވެ.
ރައީސް އިބްރާހިމް މުހައްމަދު ޞާލިހާ ގުޅުވައިގެން ރައީސް ނަޝީދު ދެއްކެވި ވާހަކަފުޅަކާއި ގުޅިގެން، އެއިރު މަޖިލީހުގެ އެމްޑީޕީގެ މެންބަރުން ރައީސް ނަޝީދު މަގާމުން ދުރުކުރުމަށް އެމްޑީޕީގެ ޕީޖީ ލީޑަރަށް ވެސް މައްސަލަ ހުށަހެޅުއްވިއެވެ. އަދި ބައެއް މެންބަރުން މި މައްސަލައިގައި ސޮއި ވެސް ކުރައްވާފައިވެއެވެ.
