ދެ ވަނަ މެޗުގައި އިންޑިއާ އަތުން ވެސް ރާއްޖެ ބަލިވެއްޖެ

ސައުދީ އަރަބިއްޔާގައި މިހާރު ކުރިއަށްދާ 17 އަހަރުން ދަށުގެ އޭއެފްސީ އޭޝިއަން ކަޕް ކޮލިފައިންގައި ރާއްޖެ އިން ކުޅުނު ދެ ވަނަ މެޗުގައި އިންޑިއާ އަތުން ބަލިވެއްގެއެވެ.

ކޮލިފައިންގެ ފުރަތަމަ މެޗުގައި ރާއްޖެ ވަނީ ކުވެއިތު އަތުން ވެސް ބަލިވެފައެވެ. ސައުދީގެ ޕްރިންސް ސަޢުދު ބިން ޖަލާވީ ސްޓޭޑިއަމްގައި އިންޑިއާއާ ދެކޮޅަށް ކުޅުނު މެޗުން ރާއްޖެ ބަލިވީ 0-5 އިންނެވެ.

މެޗުގައި އިންޑިއާގެ ފުރަތަމަ ލަނޑު 11 ވަނަ މިނެޓުގައި ޖެހީ އެ ޓީމުގެ ކެޕްޓަން ވަންލަލްޕެކާ ގުއިޓުއެވެ. ދެ ވަނަ ލަނޑު 25 ވަނަ މިނެޓުގައި ޖެހީ މިޑްފީލްޑަރު ފަނާއިއެވެ. ފުރަތަމަ ހާފު އިންޑިއާ އިން ނިންމާލީ ދެ ލަނޑު ކުރީގައި އޮވެގެންނެވެ. އެ ޓީމުގެ އަނެއް ތިން ލަނޑު ފެނުނީ ދެ ވަނަ ހާފުގައެވެ. އެއީ 59 ވަނަ މިނެޓުގައި އަމަން ޖެހި ލަނޑާއ، 67 ވަނަ މިނެޓުގައި ބޮބީ ސިން ޖެހި ލަނޑެވެ. އިންޑިއާގެ ފަހު ލަނޑު ޖެހީ ބަދަލު ކުޅުންތެރިޔެއްގެ ގޮތުގައި ކުޅެން އެރި އޮއިނަމްއެވެ.

ކޮލިފައިންގެ ތިން ވަނަ މެޗުގައި ބުދަ ދުވަހު ރާއްޖެއިން ނިކުންނާނީ ސައުދީއާ ދެކޮޅަށެވެ. ފަހު މެޗުގައި އާދިއްތަ ދުވަހު ނިކުންނާނީ މިޔަންމާއާ ދެކޮޅަށެވެ.