ފަތުރުވެރިކަމުގެ ބާނީންނަށް "ޕްރެޒިޑެންޓްސް ޓޫރިޒަމް ގޯލްޑް އެވޯޑް" ދީފި
މިއީ ފަތުރުވެރިކަމަށް ދިގު މުއްދަތަށް ޚިދުމަތްކޮށްދެއްވި ބޭފުޅުންނަށް ދޭ އެވޯޑެއް
ހުސައިން އަފީފު
ރާއްޖޭގެ ފަތުރުވެރިކަމަށް ދިގު މުއްދަތަށް ޚިދުމަތްކޮށްދެއްވާފައިވާ ފަރާތްތަކަށް "ޕްރެޒިޑެންޓްސް ޓޫރިޒަމް ގޯލްޑް އެވޯޑް" ދީފިއެވެ.
މި އެވޯޑު ދެއްވާފައިވަނީ ފަތުރުވެރިކަމުގެ ރަން އަހަރު ފާހަގަކުރުމުގެ ގޮތުން ކުރުނބާ މޯލްޑިވްސްގައި ކުރިއަށްދާ ގާލާ ނައިޓުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.
މި އެވޯޑު ދީފައިވަނީ ރާއްޖެއަށް ފަތުރުވެރިކަން ތައާރަފުކުރެއްވި ފަތުރުވެރިކަމުގެ ބާނީންނަށެވެ. އެގޮތުން މުޙައްމަދު ޢުމަރު މަނިކާއި، ޙުސައިން ޢަފީފު އަދި އަޙުމަދު ނަސީމަށް މި އެވޯޑު ވަނީ ދެއްވާފައެވެ.
ގާލާ ނައިޓުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ވަނީ، ރާއްޖެއަށް ފަތުރުވެރިކަން ތައާރަފުކޮށްދެއްވުމަށް އެ ތިން ބޭފުޅުން ކުރެއްވި ބުރަ އަދި މިންނެތް މަސައްކަތަށްޓަކައި ޝުކުރުއަދާކުރައްވާފައެވެ.
މި ގާލާ ނައިޓުގައި ދައުލަތުގެ އިސް ވެރިންނާއި، ފަތުރުވެރިކަމުގެ އެކި ގިންތިތަކުގައި ހަރަކާތްތެރިވާ ބޭބޭފުޅުން ބައިވެރިވެވަޑައިގަންނަވައެވެ.
