އައްޑޫއިން މީހަކު ގެއްލިގެން ހޯދަން ފަށައިފި
2 އޮކްޓޯބަރު 2022 | އާދީއްތަ 19:04އެއީ 28 އަހަރުގެ ދިވެހި ފިރިހެނެއް
ތޯހިރާ އަޒްހާރް | 2 އޮކްޓޯބަރު 2022 | އާދީއްތަ 19:04
ގެއްލިގެން ހޯދަމުންދާ މީހާ
އައްޑޫ ސިޓީ ހިތަދޫން މީހަކު ގެއްލިގެން ހޯދަން ފަށާފައިވާކަމަށް ފުލުހުންގެ އިދާރާއިން ބުނެފިއެވެ.
ފުލުހުން ބުނީ އައްޑޫން ގެއްލިގެން ހޯދަމުންދަނީ 28 އަހަރުގެ އުބައިދުﷲ ހަސަން ނަމަކަށް ކިޔާ ދިވެހި ފިރިހެނެއް ކަމަށެވެ.
ފުލުހުން ބުނީ އޭނާ ގެއްލިގެން ރިޕޯޓުކޮށްފައިވަނީ ސެޕްޓެމްބަރު 29 ވަނަ ދުވަހުގެ 08:00 އެހާކަންހާއިރު ކަމަށެވެ.
އޭނާ އެންމެ ފަހުން ފެނިފައިވަނީ ސެޕްޓެމްބަރު 27 ވަނަ ދުވަހުގެ 08:00 އެހާކަންހާއިރު ހިތަދޫ ގުރައިޝާމަންޒިލްގެ ކައިރިން ކަމަށް ފުލުހުން ބުނެއެވެ. އެންމެ ފަހުން ފެނުނުއިރު ލައިގެން ހުރީ ސޯޓަކާއި ޓީޝާޓެއް ކަމަށް ފުލުހުން ބުނެއެވެ.
އުބައިދުﷲއާ ބެހޭ އެއްވެސް މައުލޫމާތެއް އެނގޭނަމަ އައްޑޫ ސިޓީ ހިތަދޫ ޕޮލިސް ސްޓޭޝަން ނަންބަރު 9791612 އަށް ގުޅުމަށް ފުލުހުން ވަނީ އެދިފައެވެ.
