ބަންދުގައި ބައިތިއްބައިގެން ކޯޓަށް ހާޒިރު ކުރުމަށް ދެ މީހަކު ހޯދަނީ
އެ ދެމީހުން ހޯދަމުން ދަނީ ދައުލަތުން ދައުވާކުރާ ކެނެބިސް ޓްރެފިކް ކުރުމުގެ ކުށުގެ ދައުވާއާ ގުޅިގެން
ފުލުހުން ހޯދަމުންދާ ދެމީހުން
ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރު ކުރަން ބޭނުންވެ ހާޒިރު ކުރެވިފައިނުވާ ދެ މީހަކު ބަންދުގައި ބައިތިއްބައިގެން ކޯޓަށް ހާޒިރު ކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އެ މީހުން ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ މި އަމުރާ ގުޅިގެން ހޯދަމުންދަނީ، ކ. މާލެ / ދަފްތަރު ނަންބަރު ދރ 521، ޢުޝާން ޢަދުދާން (26އ) އާއި ތ. ވިލުފުށި / ހައިވަކަރުގެ، އިބްރާހީމް އިރުފާން (21އ) ކަމަށެވެ.
ޢުޝާން ޢަދުދާން އާއި އިބްރާހީމް އިރުފާން ހޯދަމުން ދަނީ ދައުލަތުން ދައުވާކުރާ ކެނެބިސް ޓްރެފިކް ކުރުމުގެ ކުށުގެ ދައުވާއާ ގުޅިގެން ކޯޓަށް ހާޒިރުވުމަށް ޗިޓު ފޮނުވުމުން ކޯޓަށް ހާޒިރުވާނެކަމުގެ މައުލޫމާތުދީ ތަކުރާރުކޮށް ކޯޓަށް އޮޅުވާލައި، ހުކުމް ކުރުމުގެ އަޑު އެހުމަށް ހާޒިރުވެފައި ނުވާތީ އާއި މި ދެ މީހުންގެ އަމަލުތައް ހުރި ގޮތުން މި މީހުން ފިލާފާނެކަމުގެ އިހުތިމާލު އޮތުމުން ފުލުހުންގެ ބަންދުގައި ބައިތިއްބައިގެން 2022 އޮކްޓޯބަރ 04 ވަނަ ދުވަހުގެ 11:00 އަށް ކްރިމިނަލް ކޯޓަށް ހާޒިރު ކުރުމަށް ކޮށްފައިވާ އަމުރާ ގުޅިގެން ކަމަށް ވެސް ފުލުހުން ވަނީ ބުނެފައެވެ.
އެހެންކަމުން މި މީހުންނާބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ޕޮލިސް ކަސްޓޯޑިއަލް ޑިޕާޓްމަންޓްގެ ނަންބަރު 9991442 އަށް ގުޅުއްވައި ހިއްސާކުރުމަށް ވަނީ އެދިފައެވެ.
