ތިނަދޫ ނެރަށް ދޯންޏެއް އަރައިފި
އެމްއެންޑީއެފުން ވަނީ އެ ދޯނި ފުންކޮށްދީފައި
ތޯހިރާ އަޒްހާރް | 30 ސެޕްޓެމްބަރު 2022 | ހުކުރު 06:20
ތިނަދޫ ނެރަށް އެރި ދޯނި
ގދ. ތިނަދޫ ނެރުމައްޗަށް ދޯންޏެއް އަރައިފިއެވެ.
ތިނަދޫ ނެރުމައްޗަށް އަރާފައިވަނީ "ފަހިމަގު" ނަމަކަށް ކިޔާ މަސް ދޯންޏެއް ކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ބުނެފައިވެއެވެ.
ބުރާސްފަތި ދުވަހުގެރޭ 20:40 އެހާއިރު އެމްއެންޑީއެފްގެ އެހީތެރިކަމަށް އެދުމާއެކު ކޯސްޓްގާޑުން ވަނީ އެ ދޯންޏަށް އެހީތެރިކަން ފޯރުކޮށްދީފައެވެ.
ދިޔަވަރު ބޮޑުވުމުން ދޯނި ފުންކުރުމުގެ މަސައްކަތް އެމްއެންޑީއެފުން ވަނީ ކޮށްފައެވެ. އަދި މެންދަމު 01:10 ހާއިރު އެ ދޯނި ފުންކުރެވިފައިވާކަމަށް އެމްއެންޑީއެފުން ބުނެފައިވެއެވެ.
މިހާދިސާ ހިނގި ވަގުތު އެ ދޯނީގައި 15 މީހުން ތިއްބެވެ. އަދި އެންމެންގެ ހާލު ވެސް ރަނގަޅު ކަމަށް އެމްއެންޑީއެފުން ބުނެއެވެ.
