88 އަހަރުގެ ސްކައިޑައިވަރު ހުރީ އަދި އިތުރު 10 އަހަރު އެކަން ކުރުމުގެ އަޒުމުގައި!
27 ސެޕްޓެމްބަރު 2022 | އަންގާރަ 08:131963 ވަނަ އަހަރު އޭނާ ވަނީ ޔޫގޯސްލާވިއާގެ ރެކޯޑެއްގެ ކަށަވަރު ކޮށްފައި އެއީ 5500 އުހުން ދަތުރުކުރި މަތިންދާބޯޓަކުން ފުންމާލައިގެން
ހުސްވި މަހު އޮތް މުބާރާތެއްގައިވެސް ކަލައްސިޗް ވަނީ 5 ދުވަހުގެ ތެރޭގައި 21 ފަހަރެއްގެ މަތިން ފުންމާފައި
އެކްސްޓްރީމް ސްޕޯރޓްސް ނުވަތަ ގަދަ ފަންވަރާއި ބުންވަރު ބޭނުންވާ ޒާތުގެ ކުޅިވަރުތަކަކީ ހަމައެކަނި ޒުވާނުންނަށް އޮތް ކަމެއް ނޫންކަމުގެ ލާމަސީލު އެއް މިސާލަކީ ބޮސްނިއާގެ އިބްރާހީމް ކަލައްސިޗްއެވެ. ވައިގެ ތެރޭގައި އުދުހެމުންދާ މަތިންދާބޯޓުތަކުން ފުންމާލުމަކީ، އުމުރުން 88 އަހަރުގެ ކަލައްސިޗްއަށް މިއަދުވެސް އެއްވެސް ކަމެއް ނޫނެވެ. އެއީ އޭނާ މިހާރުވެސް ޤަވައިދުން ކޮށް އުޅޭ ކަމެކެވެ.
ހުސްވި ހަފުތާގައި ބަންދުގައި ބިހާޗް އަވަށުގައި ކުރިއަށް ގެންދިޔަ ވައިކުޑަ އަޅައިގެން ފުންމުމުގެ މުބާރާތުގައިވެސް ކަލައްސިޗް ވާދަ ކުރިއެވެ. އެއީ އޭނާގެ އެފަދަ 1487 ވަނަ ފުންމުމެވެ. އެންމެ ކެރޭ މީހުންނަށްވެސް މާ ފަސޭހައިން ކުރަން ނުކުރޭ މި ކުޅިވަރަށް ކަލައްސިޗް ތަޢާރަފުވީ މީގެ 70 އެތައް އަހަރެއް ކުރިންނެވެ.
ކަލައްސިޗް ބުނާގޮތުގައި، ކޮންމެ ދުވަހަކުވެސް 15 މިނެޓް ވަންދެން އޭނާ ކަސްރަތު ކުރެއެވެ. އަދި ކެއުމުގެ އާދަތައް ނުވަތަ ޑައަޓްއަކީ ފައިދާ ހުރި އެއްޗަކަށް ހެދުމުގެ ހުރިހާ ޒިންމާއެއް އުފުލަނީ ކަރައްސިޗްގެ އަންހެނުން ކަން އޭނާ ފާހަގަ ކުރެއެވެ.
ސްކައިޑައިވް ކުރުމަށް ކަރައްސިޗް ދާ ކޮންމެ މަންޒިލަކުންވެސް އޭނާއަށް ހޫނު މަރުޙަބާއެއް ކިޔައެވެ.
އޭނާގެ ޒުވާން ދުވަސްވަރު، ކަލައްސިޗް ވަނީ ސަރބިއާގެ ފްލައިންގް ސެންޓަރެއްގައި ތަމްރީނު ފުރިހަމަ ކޮށްފައެވެ. އެއަށްފަހު ކަލައްސިޗް ހަރަކާތްތެރިވީ ޖަމްޕް އިންސްޓްރަކްޓަރެއްގެ ގޮތުގައެވެ. 1963 ވަނަ އަހަރު އޭނާ ވަނީ ޔޫގޯސްލާވިއާގެ ރެކޯޑެއްގެ ކަށަވަރު ކޮށްފައެވެ. އެއީ 5500 އުހުން ދަތުރުކުރި މަތިންދާބޯޓަކުން ފުންމާލައިގެންނެވެ.
ބޮލުގެ އިސްތަށިގަނޑު ނުރަވެފައިވާ ކަލައްސިޗް ހުރީ އަދި އިތުރު 10 އަހަރު ދުވަހަށް މި މަސައްކަތް ކުރިއަށް ގެންދިއުމުގެ ޢަޒުމުގައެވެ. ދުނިޔޭގެ ރެކޯޑް ފޮތުން ޖާގައެއް ހޯދުމުގެ އުއްމީދުގައެވެ.
ހުސްވި މަހު އޮތް މުބާރާތެއްގައިވެސް ކަލައްސިޗް ވަނީ 5 ދުވަހުގެ ތެރޭގައި 21 ފަހަރެއްގެ މަތިން ފުންމާފައެވެ.
ވައިކުޑަ އަޅައިގެން ފުންމުގެ ކެރިއަރުގައި ކަލައްސިޗްއަށްވެސް ބިރުވެރި ހާދިޘާތަކާ ކުރިމަތިލާން ޖެހުނެވެ. ނަމަވެސް އެއިން އެއްވެސް ކަމަކީ، ކުރިއަށް ދިއުމަށް އޮތް ހުރަހެއް ކަމުގައި އޭނާ ނުދެކެއެވެ.
ކަލައްސިޗްގެ ފުންމުންތަކަށް ބޭނުންވާ ޕެރަޝޫޓް ނުވަތަ ވައިކުޑަ ފޯރުކޮށްދެނީ ޕްލިގެދޯ އެރޯކްލަބުންނެވެ. ސިއްހީ ހާލަތު ތަންދޭހާ ދުވަހަކު އެ ޕެރަޝޫޓް ލިބޭނެ ކަމުގެ ޔަޤީންކަން ވަނީ ދީފައެވެ.
ކަލައްސިޗްގެ އެންމެ ބޮޑު އުއްމީދަކީ އޭނާގެ އަމިއްލަ ޕެރަޝޫޓެއް ލިބުމެވެ. އަދި ޒުވާނުން ތަމްރީނު ކޮށްދޭން އިތުރު ޕެރަޝޫޓެއްވެސް ލިބުމެވެ.
