އޮޅުވާލައިގެން ގިނަ އަދަދެއްގެ ފައިސާ ހޯދި ދެމީހަކު ހޯދަނީ
27 ސެޕްޓެމްބަރު 2022 | އަންގާރަ 02:00އެމީހުން ފައިސާ ހޯދާފައިވަނީ އެޗްޑީސީގެ ނަމުގައި
ހޯދަމުންދާ ދެމީހުން
އޮޅުވާލައިގެން ގިނަ އަދަދެއްގެ ފައިސާ ހޯދާފައިވާ މައްސަލައެއްގައި ދެ މީހަކު ހޯދަން އިއުލާނުކޮށްފިއެވެ.
ފުލުހުން ވަނީ އެ ދެމީހުން ފެންނަ ވީޑިއޯއެއް ސޯޝަލް މީޑިއާގައި އާންމުކޮށްފައެވެ. އަދި އެމީހުން ހޯދުމަށް އާންމުންގެ އެހީތެރިކަމަށް ވަނީ އެދިފައެވެ.
ފުލުހުން ބުނީ އެމީހުން ވަނީ އެޗްޑީސީގެ ނަމުގައި ގުޅައިގެން އޮޅުވާލައިގެން މަކަރާއި ހީލަތުން ގިނަ އަދަދެއްގެ ފައިސާ ހޯދާފައި ކަމަށެވެ. މި މައްސަލައާ ގުޅިގެން ފުލުހުންގެ އިކޮނޮމިކް ކްރައިިމް ޑިޕާޓްމަންޓުން ކުރަމުންދާ ތަހުގީގަށް އެ ދެމީހުން ހޯދަން ބޭނުންވާކަމަށް ފުލުހުން ބުނެއެވެ.
ފުލުހުން ބުނީ މިހާތަނަށް ކުރި މަސައްކަތުން އެއީ ކޮން ބައެއްކަން ދެނެގަނެވިފައިނުވާ ކަމަށެވެ.
މި މީހުން ދެނެގަނެވި، އެމީހުންނާ ގުލޭ އެއްވެސް މައުލޫމާތެއް އެނގޭނަމަ އިކޮނޮމިކް ކްރައިމް ޑިޕާޓްމަންޓްގެ ނަންބަރު 9790048 އަށް ގުޅައި މައުލޫމާތު ހިއްސާކުރުމަށް ފުލުހުން އެދެއެވެ.
