ކ. މާލެ
|
26 ސެޕްޓެންބަރ 2022 | ހޯމަ 08:03
އިބްރަހިމޮވިޗް ފެންނަ ފިލްމުގެ ތެރެއިން
އިބްރަހިމޮވިޗް ފެންނަ ފިލްމުގެ ތެރެއިން
ޓްވިޓަރ
އިބްރަހިމޮވިޗް
އޭސީ މިލާންގެ ފޯވާޑް އިބްރަހިމޮވިޗް ފިލްމަކަށް!
 
އިބްރަހިމޮވިޗް ފެންނަ ފިލްމަކީ ފްރާންސްގެ ކޮމިކް ފިލްމެއް ކަމަށްވާ، އެސްޓެރިކްސް އަދި އޯބެލިކްސް

ސްވެޑެން އަދި އޭސީ މިލާންގެ ފޯވާޑް ޒްލަޓާން އިބްރަހިމޮވިޗް ފިލްމެއް ކުޅެން ފަށައިފިއެވެ.

އުމުރުން 40 އަހަރުގެ އިބްރަހިމޮވިޗް ވަނީ އެ ފިލްމުގައި އޭނާ ފެންނަ މަންޒަރެއް ސޯޝަލް މީޑިއާގައި ވެސް ހިއްސާކޮށްފައެވެ. މިވަގުތު އިބްރަހިމޮވިޗް ހުރީ އަނިޔާގެ ސަބަބުން ކުޅުމާ ދުރުގައެވެ. އަނިޔާ އިން ރަނގަޅުވެ އޭނާ ދެން ކުޅުމަށް އެނބުރި އަންނަނީ އަންނަ އަހަރު ކަމަށް މީޑިއާތަކުގައި ވަނީ ރިޕޯޓުކޮށްފައެވެ.

އިބްރަހިމޮވިޗް ފެންނަ ފިލްމަކީ ފްރާންސްގެ ކޮމިކް ފިލްމެއް ކަމަށްވާ، އެސްޓެރިކްސް އަދި އޯބެލިކްސްއެވެ. މި ފިލްމު ރިލީސް ކުރުމަށް މިހާރު ހަމަޖެހިފައިވަނީ 2023 ވަނަ އަހަރުގެ ފެބްރުވަރީ މަހުއެވެ. އެ ވީޑިއޯ އިން ފެންނަ ގޮތުގައި އިބްރަހިމޮވިޗް ހުންނަނީ ހަނގުރާމައެއްގެ މައިދާނުގައި މީހަކަށް ހަމަލާ ދިނުމަށެވެ.

އަނިޔާގައި ހުރި ނަމަވެސް ދާދި ފަހުން އިބްރަހިމޮވިޗް ވަނީ އޭސީ މިލާނާއެކު ހަދާފައިވާ އެއްބަސްވުމުގެ މުއްދަތު އިތުރުކޮށް، އައު އެއްބަސްވުމެއްގައި ސޮއިކޮށްފައެވެ. އޭނާ އެއްބަސްވުން އައުކޮށްފައިވަނީ އިތުރު އެއް އަހަރު ދުވަހަށެވެ. މީގެ އިތުރުން އިބްރަހިމޮވިޗް އެއްބަސްވުން އައުކުރީ ކުރިން އޭނާ އަށް ލިބޭ މުސާރަ ކުޑަ ކުރުމަށް އެއްބަސްވެގެން ކަމަށް މީޑިއާ ރިޕޯޓުތައް ބުނެއެވެ.

އެންމެ ފަހުން އޭސީ މިލާނަށް ބަދަލުވުމަށްފަހު އިބްރަހިމޮވިޗް ވަނީ އެ ކުލަބާއެކު މޮޅު ކުޅުމެއް ދައްކާފައެވެ. އުމުރުން 40 އަހަރުގެ އިބްރަހިމޮވިޗް ވަނީ އޭގެ ފަހުން އޭސީ މިލާނަށް ކުޅެދިން 74 މެޗުން 36 ލަނޑު ޖަހާފައެވެ. އޭނާ އެންމެ ފުރަތަަމަ އޭސީ މިލާނަށް ކުޅުނީ ލޯނު އެއްބަސްވުމެއްގެ ދަށުން 2010 ވަނަ އަހަރުއެވެ. އޭގެ ފަހުން 2011 ވަނަ އަހަރު އޭނާ ވަނީ އެ ކުލަބާއެކު ދާއިމީ އެއްބަސްވުމެއް ހަދާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
100%
ކޮމެންޓް