41 އަހަރުގައި އިބްރަހިމޮވިޗް ސްވިޑްންގެ ގައުމީ ޓީމަށް
ކޯޗު ބުނަނީ އޭނާ އަކީ ސުޕަ ސަބްސްޓިއުޓެއް ކަމަށް
ސްވިޑްންގެ ކުރީގެ ކެޕްޓަން އިބްރަހިމޮވިޗް: ގައުމީ ޓީމަށް އަލުން ނެގީ 41 އަހަރުގައި
ގައުމީ ޓީމަށް ކުޅުން ހުއްޓާލައިގެން ހުއްޓާ އުމުރުން 41 އަހަރުގައި ސްވިޑްންގެ ގައުމީ ޓީމަށް ފޯވަޑް ޒްލަޓާން އިބްރަހިމޮވިޗް ނަގައިފި އެވެ.
ނަމަވެސް ކޯޗު ޖޭން އެންޑަސަން އޭނާ ފުރަތަމަ 11ގައި ހިމަނާނެ ކަމުގެ ޔަގީންކަމެއް ނުދެ އެވެ. ކޯޗު ބުނީ އިބްރަހިމޮވިޗް އަކީ ބަދަލު ކުޅުންތެރިއެއްގެ ގޮތުގައި ވަރަށް ބޮޑަށް ބޭނުން ހިފިދާނެ ކުޅުންތެރިއެއް ކަމަށެވެ.
އިޓަލީގެ އޭސީ މިލާނަށް ކުޅެމުން އަންނަ އިބްރަހިމޮވިޗް މި ސީޒަނުގެ ބޮޑުބައި ހޭދަކޮށްފައިވަނީ ފަޔަށް ލިބުނު އަނިޔާއަކަށް ފަރުވާ ހޯދުމުގައެވެ.
އިބްރަހިމޮވިޗް އަކީ 2016 ވަނަ އަހަރުގެ ޔޫރޯ އަށް ފަހު ގައުމީ ޓީމަށް ކުޅުން ހުއްޓާލި ކުޅުންތެރިއެކެވެ. ނަމަވެސް 2022 ވަނަ އަހަރުގެ ވޯލްޑްކަޕް ކޮލިފައިންގައި ކުޅެން އެނބުރި 2021 ވަނަ އަހަރު އޭނާ ގައުމީ ޓީމާ ގުޅުނެވެ.
އިޓަލީގެ ޔުވެންޓަސް، އިންޓަމިލާން އަދި ސްޕޭނުގެ ބާސެލޯނާ އާއި ފްރާންސްގެ ޕީއެސްޖީގެ އިތުރުން އިނގިރޭސިވިލާތުގެ މެންޗެސްޓާ ޔުނައިޓެޑަށް ވެސް އިބްރަހިމޮވިޗް ވަނީ މޮޅަށް ކުޅެ ގިނަ ގޯލުތަކެއް ޖަހާފަ އެވެ.
