ރާއްޖެއިން ގިނީ ބިސާއުއާއެކު ސިޔާސީ ގުޅުން ގާއިމުކޮށްފި
ސިޔާސީ ގުޅުން ގާއިމުކުރުމުގެ އެއްބަސްވުމުގައި ހޮނިހިރު ދުވަހު ސޮއިކޮށްފައި
ދިވެހިރާއްޖެއިން ގިނީ ބިސާއު އާއެކު ސިޔާސީ ގުޅުން ގާއިމުކުރުން
ދިވެހިރާއްޖެއިން ގިނީ ބިސާއުއާއެކު ސިޔާސީ ގުޅުން ގާއިމުކޮށްފިއެވެ.
ސިޔާސީ ގުޅުން ގާއިމުކުރުމުގެ އެއްބަސްވުމުގައި ހޮނިހިރު ދުވަހު ސޮއިކޮށްފައެވެ. ރާއްޖޭގެ ފަރާތުން ފޮރިން މިނިސްޓަރ އަބްދުﷲ ޝާހިދު އެއްބަސްވުމުގައި ސޮއިކުރައްވާފައިވާއިރު ގިނީ ބިސާއުގެ ފަރާތުން ސޮއިކުރެއްވީ، އިންޓަރނޭޝަނަލް ކޯޕަރޭޝަން އެންޑް ކޮމިއުނިޓީސްގެ ފޮރިން މިނިސްޓަރ ސުޒީ ކާރލާ ބަރްބޯސާއެވެ.
ދެ ގައުމުގެ ދެމެދުގައި އޮންނަ ގުޅުމަށް އިހުތިރާމްކުރާ އަދި އޭގެ އަގުވަޒަންކުރާ ގައުމުތަކާއެކު ގުޅުން ގާއިމުކުރުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ޚާރިޖީ ސިޔާސަތުގެ ތެރޭގައި އިސްކަމެއް ދެއްވާ އެއް ކަންތަކެވެ.
ގިނީ ބިސާއުގެ އާބާދީއަކީ ގާތްގަނޑަކަށް 1.97 މިލިއަނެވެ. ގިނީ ބިސާއުއެކު ސިޔާސީ ގުޅުން ގާއިމުކުރުމުން، ދިވެހިރާއްޖެއިން ސިޔާސީ ގުޅުން ގާއިމުކޮށްފައިވާ ގައުމުތަކުގެ އަދަދަކީ މިހާރު 181އެވެ.
