ހދ އަތޮޅު މަދަރުސާގެ 12 ކުލާސްރޫމް އިމާރާތުގެ ނުނިމިހުރި މަސައްކަތްކުރުމަށް ބަޔަކާ ހަވާލުކޮށްފި
24 ސެޕްޓެމްބަރު 2022 | ހޮނިހިރު 00:57މިމަސައްކަތް ހަވާލުކޮށްފައިވަނީ ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑާ
ހދ އަތޮޅު މަދަރުސާގެ 12 ކްލާސްރޫމްގެ ނުނިމި ހުރި މަސައްކަތް ބަޔަކާ ހަވާލުކުރުމުގެ އެއްބަސްވުމުގައި ސޮއިކުރަނީ
ހދ ވައިކަރަދޫގައި ހުންނަ އެއަތޮޅު މަދަރުސާގެ ނުނިމި ހުރި 12 ކްލާސްރޫމް އިމާރާތުގެ މަސައްކަތް ކުރުމަށް ބަޔަކާ ހަވާލުކޮށްފިއެވެ.
އެޑިޔުކޭޝަން މިނިސްޓްރީން ބުނީ މިމަސައްކަތް ހަވާލުކޮށްފައިވަނީ ނޯތް ކޯސްޓް ކޮންޓްރަކްޓަރސް ޕްރައިވެޓް ލިމިޓެޑާއެވެ. އެއީ 365 ދުވަސްތެރޭގައި މަސައްކަތް ނިންމާގޮތަށެވެ. މިމަސައްކަތް އެކުންފުންޏަށް ހަވާލުކޮށްފައިވަނީ 8,982,616.00 (އަށް މިލިއަން ނުވަލައްކަ އަށްޑިހަ ދެހާސް ހަސަތޭކަ ސޯޅަ) ރުފިޔާއަށެވެ.
ސްކޫލްތަކުގެ ޖާގަ އިތުރުކުރުމަށް އެޑިޔުކޭޝަން މިނިސްޓްރީން ކުރަމުންދާ މަސައްކަތުގެ ދަށުން 1150 ކްލާސްރޫމުގެ މަސައްކަތް މިހާރު ވެސް ކުރިއަށްދާ ކަމަށާއި 196 ކްލާސްރޫމް ނިމިފައިވާކަމަށް އެޑިޔުކޭޝަން މިނިސްޓްރީން ބުނެއެވެ.
