ރަށްރަށަށް ގޮސް ކޮށްދޭނެ ކަމަށް ބުނާ ކަންކަމަކީ ރައީސްގެ ވައުދެއް ނޫން: ރައީސް ނަޝީދު
ރައީސުލްޖުމްހޫރިއްޔާ ކަމެއްކޮށްދެއްވާނެ ކަމަށް ވިދާޅުވެފައިވާ ނަމަ އެކަން ހިނގާނެކަމަށް ގަބޫލު ކުރެވޭ: އަސްލަމް
މުހައްމަދު ނަޝީދު - ރައްޔިތުންގެ މަޖިލީހުގެ ރައީސް
ރައީސުލްޖުމްހޫރިއްޔާ ރަށްރަށަށް ކުރައްވާ ދަތުރުފުޅުތަކުގައި ކުރައްވާނެ ކަމަށް ވިދާޅުވާ ކަންކަމަކީ ވައުދެއް ނޫން ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މަޖިލީހުގެ ބުދަ ދުވަހުގެ ޖަލްސާގައި ފުރަތަމަ އޮތީ މަހިބަދޫ ދާއިރާގެ މެމްބަރު އަހުމަދު ތޯރިގް، ނޭޝަނަލް ޕްލޭނިން އެންޑް ހައުސިން މިނިސްޓަރު މުހައްމަދު އަސްލަމް އާއި ކުރެއްވި ސުވާލަށް ޖަވާބު ހޯދުމަށް މިނިސްޓަރު މަޖިލީހަށް ހާޒިރުކުރުމެވެ. ބުދަ ދުވަހު މަޖިލީހުގެ މެމްބަރުން ވަނީ އެ ދާއިރާތަކުގައި ކޮށްދެއްވާނެ ކަމަށް ރައީސް ވިދާޅުވެފައިވާ ބައެއް ކަންކަން ފުރިހަމަ ނުވާތީ އެކަމާއި ގުޅޭގޮތުން ކަންބޮޑުވުން ފާޅުކުރައްވާފައެވެ.
މެމްބަރުންގެ އެ ވާހަކަތަކާއި ގުޅިގެން ރައީސް ނަޝީދު ވިދާޅުވީ އާންމު އުސޫލެއްގެ ގޮތުން ބަލާނަަމަ ރިޔާސީ ވައުދުތަކުގެ ގޮތުގައި ބެލެވޭނީ އެ ޕާޓީތަކުގެ މެނިފެސްޓޯތަކުގައި ލިޔެފައިވާ ވާހަކަތައް ކަމަށެވެ.
ރައީސް ނަޝީދު ވަނީ ރައީސުލްޖުމްހޫރިއްޔާ ދައްކަވާ ހުރިހާ ވާހަކަފުޅުތަކަކީ ވައުދެއް ކަަމަށް ނުވަތަ ހުކުމެެއް ކަމަށް ބެލުމަކީ ރަނގަޅު ގޮތް ކަމަށް ގަބޫލުނުކުރައްވާ ކަމަށެވެ. މެމްބަރުންގެ އެ ވާހަކަތަކާއި ގުޅިގެން މިނިސްޓަރު އަސްލަމް ވިދާޅުވީ ރައީސުލްޖުމްހޫރިއްޔާ ކަމެއްކޮށްދެއްވާނެ ކަމަށް ވިދާޅުވެފައިވާ ނަމަ އެކަން ނުހިނގާ އޮންނާނެ ކަމަށް ގަބޫލު ނުކުރައްވާ ކަމަށެވެ.
