ގދ. ވާދޫ ނަރުދަމާ ނިޒާމުގެ އަމަލީ މަސައްކަތް ފަށައިފި

ގދ. ވާދޫ ނަރުދަމާ ނިޒާމުގެ އަމަލީ މަސައްކަތް ފަށައިފިއެވެ.

މި މަސައްކަތް ފެށުމަށް އެރަށުގައި ބޭއްވި ހާއްސަ ރަސްމިއްޔާތުގައި، އެރަށުގ ރައްޔިތުންގެ އެއްބާރުލުން މި މަސައްކަތަށް ލިބިގެންދިޔައެވެ. މި މަސައްކަތް ފައްޓަވައިދެެއްވީ ފެންކަ ކޯޕަރޭޝަންގެ މެނޭޖިންގ ޑިރެކްޓަރ އަޙްމަދު ސަޢީދު، އެމް.ޑަބްލިއު.އެސް.ސީގެ ޗެއަރމަން އަޙްމަދު މައުސޫމް، އެމް.ޑަބްލިއު.އެސް.ސީގެ ޑީ.އެމް.ޑީ މުޙައްމަދު ޝަރީފް، ވާދޫ ކައުންސިލްގެ ނައިބު ރައީސް ހާޝިރު މުޙައްމަދު އަދި ވާދޫ ކައުންސިލްގެ އެސް.ޖީ މުޙައްމަދު އިބްރާހީމް ދީދީއެވެ.

ވާދޫ ނަރުދަމާ ޤާއިމް ކުރުމުގެ މަސައްކަތަކީ ސަރުކާރުން އެމްޑަބްލިއުއެސްސީއާ ޙަވާލުކޮށްފައިވާ މަސައްކަތެކެވެ. އެމްޑަބްލިއުއެސްސީއާ އެކު ވެފައިވާ އެއްބަސްވުމެއްގެ ދަށުން ހޮޅިވަޅުލުމުގެ ހުރިހާ މަސައްކަތެއް ކުރާނީ ފެނަކަ ކޯޕަރޭޝަނުންނެވެ.

ސަރުކާރުން މިރަށުގައި 11 މަޝްރޫއެއް ކުރިއަށް ގެންދިއުމަށް ވަނީ ނިންމާފައެވެ. ނަރުދަމާ ނިޒާމްގެ މަސައްކަތް ވާދޫގައި ފަށާފައިވާއިރު، ރާއްޖޭގެ މީހުން ދިރިއުޅޭ ހުރިހާ ރަށެއްގައި ފެނާއި ނަރުދަމާ ނިޒާމް ގާއިމް ކުރުމަކީ ރައީސް އިބްރާހިމް މުހައްމަދު ސާލިހުގެ ރިޔާސީ ވައުދުފުޅެކެވެ.