ކަނޑޫދޫ މެޖިސްޓްރޭޓް ކޯޓުގެ އިސްމެޖިސްޓްރޭޓްގެ މައްސަލައެއް ނެތްކަމަށް ނިންމައިފި
14 ސެޕްޓެމްބަރު 2022 | ބުދަ 01:18އެ މައްސަލަ ކޮމިޝަނުން ތަހުގީގު ކުރުމަށް އޭނާއަށް ނޯޓިސް ދިނީ އޮކްޓޯބަރު 22، 2020ގައި
ޖުޑީޝަލް ސަރވިސް ކޮމިޝަން
ތ. ކަނޑޫދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް އަލީ ޝަރީފު އަބްދުއްސަމަދާ ގުޅޭ ގޮތުން ޖުޑިޝަލް ސާވިސް ކޮމިޝަން (ޖޭއެސްސީ) އަށް ހުށަހެޅި މައްސަލަ ސާބިތު ނުވާ ކަމަށް އެ ކޮމިޝަނުން ނިންމައިފިއެވެ.
އެމައްސަލަ ބެލުމަށްފަހު ޖޭއެސްސީން ބުނީ އެ މެޖިސްޓްރޭޓްއާ ގުޅޭ ގޮތުން ހުށަހަޅާފައިވާ ޝަކުވާއާ ގުޅިގެން އެ މައްސަލަ ކޮމިޝަނުން ތަހުގީގު ކުރުމަށް އޭނާއަށް ނޯޓިސް ދިނީ އޮކްޓޯބަރު 22، 2020ގައި ކަމަށެވެ. މިތަހުގީގަށް ގާތްގަނޑަކަށް ދެ އަހަރު ހޭދަވިއިރު، ބެލި މައްސަލަ ސާބިތު ނުވާ ކަމަށް އެ ކޮމިޝަނުން ނިންމީ މިދިޔަ އާދީއްތަ ދުވަހު ކަމަށް ޖޭއެސްސީން ނެރުނު ބަޔާނުގައި ބުނެފައިވެއެވެ.
މިހާރު އޮތް ޖޭއެސްސީ އެކުލަވާލި ފަހުން އެ ކޮމިޝަނުން އަންނަނީ ފަނޑިޔާރުންނާ ގުޅޭ ގޮތުން ހުށަހެޅޭ ގިނަ ޝަކުވާތައް ބަލަމުންނެވެ.
