ހަފުތާ ބަންދުގައި ވައިގަދަވެ ކެރީގެ އަސަރުކުރާނެ
ހޮނިހިރު ދުވަހު މުޅި ރާއްޖެއަށްވެސް ކެރީގެ އަސަރުކުރާނެ
އާއިޝަތު ޝިއުރާ | 9 ސެޕްޓެމްބަރު 2022 | ހުކުރު 02:07
މޫސުން
ހަފުތާ ބަންދުގައި ރާއްޖޭގެ އެކި ހިސާބުތަކަށް ވައިގަދަވެ ކެރީގެ އަސަރުކުރާނެކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
މެޓް އޮފީހުން ބުނީ ހުކުރު ދުވަހު އުތުރާއި މެދުތެރޭގެ އަތޮޅުތަކަށް ވައިދަވާނެކަމަށެވެ. އަދި ދެކުނަށް ކެރީގެ އަސަރުކުރާނެކަމަށެވެ. ހޮނިހިރު ދުވަހު މުޅި ރާއްޖެއަށްވެސް ކެރީގެ އަސަރުކުރާނެކަމަށް މެޓް އޮފީހުން ބުނެއެވެ.
މީގެއިތުރުން މެޓް އޮފީހުން ބުނީ ހުކުރު ދުވަހުގެ ހެނދުނު 10 ޖެހުމާ ހަމައަށް ބައެއް ރަށްތަކަށް ކެރީގެ އަސަރުކުރުމާއެކު ގުގުރުން އެކަށީގެންވާކަމަށެވެ. އާދައިގެވަރަކަށް ކަނޑުތައް ގަދަވެފައި ވިލާގަނޑުގައި ގަދަވާނެކަމަށް މެޓް އޮފީހުން ބުނެއެވެ.
