ދެވަނަ މެޗުން ވެސް ޖޯލި މޯލްޑިވްސް މޮޅުވެއްޖެ

އިންޓަ ރިސޯޓް ވޮލީބޯޅަ މުބާރާތުގައި ކުޅުނު ދެވަނަ މެޗުން ވެސް ޖޯލި މޯލްޑިވްސް މޮޅުވެއްޖެއެވެ.

ޒޯން ހައެއްގެ ފުރަތަމަ މެޗުގައި ޖޯލި މޯލްޑިވްސް އިން ވަނީ ކޮރަ ކޮރައާ ބަލިކޮށްފައެވެ. އެ މެޗު ޖޯލި މޯލްޑިވްސް އިން ކާމިޔާބުކޮށްފައިވަނީ ތިން ސެޓު އެއް ސެޓުންނެވެ. މެޗުގެ ސެޓުތައް ޖޯލި މޯލްޑިވްސް އިން ކާމިޔާބުކުރީ 25-16، 25-16 އަދި 25-17 އިންނެވެ. މެޗުގައި ކޮރަ ކޮރައާއިން އެއް ސެޓު ހޯދީ ވާދަވެރި ކުޅުމަކަށްފަހު 25-22 އިންނެވެ.

ދެވަނަ މެޗުގައި ޖޯލި މޯލްޑިވްސް ނިކުތީ ދިގަލި މޯލްޑިވްސްއާ ދެކޮޅަށެވެ. މި މެޗު އެ ޓީމުން ކާމިޔާބުކޮށްފައިވަނީ ސީދާ ތިން ސެޓުންނެވެ. މެޗުގެ ސެޓުތައް ޖޯލި މޯލްޑިވްސް އިން ހޯދާފައިވަނީ 25-09، 25-13 އަދި 25-11 އިންނެވެ.

ޖޯލި މޯލްޑިވްސްގެ އިތުރުން މި ޒޯންގައި ވާދަކުރާ ޓީމުތަކަކީ، ސަން ޝިޔާން އިރުފުށި، ކޮރަ ކޮރަ މޯލްޑިވްސް، ޖޯލި ބީން އަދި ދިގަލި މޯލްޑިވްސްއެވެ. މި ޒޯންގެ ފައިނަލްގެ ފުރަތަމަ ޖާގަ ލިބޭނީ އެންމެ ގިނަ ޕޮއިންޓު ލިބޭ ޓީމަކަށެވެ. ދެ ވަނަ ޓީމާއި ތިން ވަނަ ޓީމު ޖެހޭނީ ޕްލޭ އޮފް މެޗެއް ކުޅޭށެވެ.

މިއަހަރުގެ އިންޓަ ރިސޯޓު މުބާރާތުގެ ނަމަކީ ގޯލްޑަން އިޔާ އިންޓަ ރިސޯޓު ވޮލީ މުބާރާތެވެ. އެއީ ރާއްޖޭގެ ޓުވަރިޒަމަށް 50 އަހަރު ފުރޭ މުނާސަބަތާ ގުޅިގެންނެވެ.