އިންޑޮނޭޝިއާއަށް އައި ބިންހެލުމުގެ އަސަރު ރާއްޖެއަށް ކޮށްފައިވާ ކަމަށާއި އެހެންނަމަވެސް އެ ބިންހެލުމުގެ ސަބަބުން ސުނާމީއެއް އުފެދޭނެ ކަަމަށް ލަފާ ނުކުރެވޭ ކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
މޫސުމާއި ބެހޭ އިދާރާއިން ބުނި ގޮތުގައި 6.0 މެގްނިޓިއުޑްގެ މި ބިންހެލުމުގެ އަސަރު ރާއްޖެއަށް ކޮށްފައި ވަނީ ހޯމަ ދުވަހުގެ 08:29ހާއިރެވެ. މި ބިން ހެލުމެއްގެ އަސަރުކުރުމުގެ ސަބަބުން ހެލްތު މިނިސްޓްރީ ހިންގަމުންދާ ރޯޝަނީ ބިލްޑިންގ ވަނީ ހުސްކޮށްފައެވެ. އިންޑޮނޭޝިއާގެ ސުމަޓްރާއަށް އައި މި ބިންހެލުން އައިސްފައި ވަނީ ރާއްޖެ އާއި 2854 ކިލޯމީޓަރު ދުރުންނެވެ.
އިންޑޮނޭޝިއާ އަށް ބިންހެލުމެއް އައިސްފައިވަނީ ސުމަޓްރާގެ މެންޓަވާއީ ރަށްތައް ކައިރިންނެވެ. މިހާތަނަށް އައި އިރު މި ބިންހެލުމުގެ ސަބަބުން އެއްވެސް މީހަކަށް ނުވަތަ ތަނަކަށް ގެއްލުން ލިބިގެން ރިޕޯޓްކޮށްފައެއް ނުވެއެވެ. އަދި އިންޑޮނޭޝިއާގެ އިތުރު ދެ ސަރަހައްދަކަށް ބިންހެލުން ވަނީ އައިސްފައެވެ.
