ކުދިންނަކީ ދުނިޔޭގެ ކުރިއަރާފައިވާ ގައުމުތަކާ އެއްހަމައެއްގައި ފައިތިލަ ސާބިތުކޮށްލެވޭ ފަދަ ގައުމަކަށް ހަދާދެވޭނެ ބަޔަކަށް ހަދާދޭންޖެހޭ - މިނިސްޓަރ ޝައުނާ
ޤައުމެއްގެ ކުރިއެރުމާއި މުޖުތަމަޢުތަކުގެ ދުޅަހެޔޮކަން ބިނާވެގެންދާނީ ލޮޖިކަލް ސްޓްރަކްޗަރަލް ވިސްނުމާއި، ކްރިއޭޓިވް އަދި ރިޒިލިއަންޓް ޒުވާން ލީޑަރުންގެ މައްޗަށް
އެލްގޮރިތްމިކްސް އިންޓަރނޭޝަނަލް ސްކޫލް އޮފް ޕްރޮގްރާމިންގ ހުޅުވުން
ދަރީންނަކީ، ޒަމާނީ ޓެކްނޯލޮޖީގެ އެހީގައި ދުނިޔޭގެ ކުރިއަރާފައިވާ ގައުމުތަކާ އެއްހަމައެއްގައި ފައިތިލަ ސާބިތުކޮށްލެވޭ ފަދަ ގައުމަކަށް ހަދާދެވޭނެ ބަޔަކަށް ހަދާދޭންޖެހޭ ކަމަށް ޓެކްނޮލޮޖީ މިނިސްޓަރ އައިމިނަތު ޝައުނާ ވިދާޅުވެއްޖެއެވެ.
މިނިސްޓަރ ޝައުނާ މިހެން ވިދާޅުވީ އެލްގޮރިތްމިކްސް އިންޓަރނޭޝަނަލް ސްކޫލް އޮފް ޕްރޮގްރާމިންގ ހުޅުވުމުގެ ރަސްމިއްޔާތުގައި ވާހަކަ ދައްކަވަމުންނެވެ.
މިނިސްޓަރ ވިދާޅުވީ ދިރިއުޅުން ޓެކްނޯލޮޖީއާ ވަނީ ގުޅި ލާމެހިފަ ކަމަށާއި، އަޅުގަނޑުމެން ކުރާ ކޮންމެ ކަމެއްގައިވެސް ޓެކްނޮލޮޖީ ހިމެނޭ ކަމަށެވެ. އެއީ އަޅުގަނޑުމެންގެ ތަޢުލީމާއި، އަޅުގަނޑުމެންގެ މަސައްކަތާއި، އަޅުގަނޑުމެންގެ ވަށައިގެންވާ ދުނިޔެއާ ބެހޭގޮތުންނާއި، އަޅުގަނޑުމެންނަށް ވިސްނޭ ގޮތް ވިޔަސް، އަދި މާދަމާގެ ދުނިޔެ ވާނީ އެއަށްވުރެ ވެސް ބޮޑަށް ޓެކްނޯލޮޖީއާއި ގުޅިފައިކަމަށެވެ.
މިނިސްޓަރ ވިދާޅުވީ 20 ވަނަ ގަރުނުން އަޅުގަނޑުމެންނަށް ދަސްކޮށްދީފައިވާ ހުނަރަކީ، މިހާރަށް ވެސް، އަދި މާދަމައަށް ވެސް ފުދޭނެ އެއެޗެއް ނޫން ކަމަށެވެ. އަޅުގަނޑުމެންގެ ދަރިން 21 ވަނަ ޤަރުނަށް ތައްޔާރުކުރަންޖެހޭ ކަމަށާއި، އެ ދަރީންނަކީ، ޒަމާނީ ޓެކްނޯލޮޖީގެ އެހީގައި ދުނިޔޭގެ ކުރިއަރާފައިވާ ގައުމުތަކާ އެއްހަމައެއްގައި ފައިތިލަ ސާބިތުކޮށްލެވޭ ފަދަ ގައުމަކަށް ހަދާދެވޭނެ ބަޔަކަށް ހަދާދޭންޖެހޭ ކަމަށެވެ.
މިނިސްޓަރ ވިދާޅުވީ ވިލުންވެރިކަމާއި އަދި ކަންކަން ހުއްޓާނުލައި ކުރުމާ، މުވާޞަލާތު، ފޯކަސް، ރޭވުންތެރިކަމާއި އަދި ގިނަ މީހުންނާ އެކީ މަސައްކަތް ކުރުން ފަދަ ކަންކަމަކީވެސް ކޯޑު ކުރުމުގެ ތެރެއިން ދަސްވާ ކުދީންގެ ދިރިއުޅުން ބައްޓަންކުރުމަށް މުހިއްމު ހުނަރުތައް ކަމަށެވެ.
ފުރަތަމަ އެރަރ، ނުވަތަ ނުރަގަޅުކޮން ކަމެއް ކުރެވުމުންވެސް ދޫނުދިނުމާއި ބަގެއްގެ ތެރޭ ބަގް ކުރެވުމުން ނުވަތަ ލަދު ގަންނަންޖެހޭފަދަ ހާލަތަކަށް ފަހުވެސް ކުރާކަމެއް ހުއްޓާނުލާ ކުރިއަށްދިއުން ފަދަ ކަންކަމުން ކުދީންގެ ރިސިލިއަންސް އިތުރުވާ ކަމަށެވެ. ދަތި ހާލަތްތަކުގައި ހައްލު ހޯދަމުން ގެންދިއުމަށް ލިބޭ ހިތްވަރު އިތުރުވެ، ކޯޑިންގ އިން އަޅުގަނޑުމެންގެ ކުދިންނަށް ދަސްކޮށްދެނީ، އަބަދުވެސް ހައްލެއް އޮތްކަން، ކެތްތެރިކަމާއި ވަގުތާއެކު، އެކުދީންނަށް ހައްލު ހޯދިދާނެކަން ކަމަށް މިނިސްޓަރ ވިދާޅުވިއެވެ.
