ރާއްޖެ
ރާއްޖެއިން އެމެރިކާއަށް ކަނޑައަޅުއްވާ ސަފީރު
އެމެރިކާގެ ސަފީރުކަމަށް ޢަބްދުލްޣަފޫރު އައްޔަން ކުރަން ފާސްކޮށްފި
އޭނާ މަޤާމަށް އައްޔަން ކުރަން ރުހުން ދޭން ނިންމެވީ ވޯޓުގައި ބައިވެރިވެވަޑައިގަތް 46 މެމްބަރުންގެ އިއްތިފާގުން
ނަޒާހަތު އިބްރާހިމް ރަޝީދު, ރާއްޖެ އެމްވީ | 18 އޯގަސްޓު 2022 | ބުރާސްފަތި 07:29
އެމްބެސެޑަރ އެޓް ލާޖް ޢަބްދުލްޣަފޫރު މުޙައްމަދު
ޔުނައިޓެޑް ސްޓޭޓްސް އޮފް އެމެރިކާއަށް ދިވެހިރާއްޖެއިން ކަނޑައަޅުއްވާފައިވާ ސަފީރުކަމަށް މއ.އަތަމާވިލާ އަބްދުލް ޣަފޫރު މުހައްމަދު އައްޔަން ކުރަން ރައްޔިތުންގެ މަޖިލީހުން ފާސްކޮށްފިއެވެ.
މަޖިލީހުން އެގޮތަށް ފާސްކޮށްފައި ވަނީ ވޯޓުގައި ބައިވެރިވެވަޑައިގަތް 46 މެމްބަރުންގެ ވޯޓާއި އެކުގައެވެ.
ރާއްޖޭގެ ޚާރިޖީ ދާއިރާއަށް ގިނަ ޚިދުމަތްތަކެއް ކޮށްދެއްވާފައިވާ ޢަބްދުލްޣަފޫރު ވަނީ މީގެކުރިން ވެސް އެމެރިކާއަށް ރާއްޖެއިން ކަނޑައަޅުއްވާ ސަފީރުގެ މަޤާމު އަދާކުރައްވާފައެވެ. އަދި މިހާރު އޭނަ އަކީ ފޮރިން މިނިސްޓްރީގެ އެމްބަސެޑާ އެޓް ލާޖްގެ މަގާމު އަދާކުރައްވަމުންދާ ބޭފުޅެކެވެ.
