ރާއްޖެ
އަލިފާނުގެ ހާދިސާ
ހުޅުމާލެ ފޭސް 1ގެ ގެއެއްގައި ހިނގި އަލިފާނުގެ ހާދިސާއާ ގުޅިގެން އެހީތެރިކަން ފޯރުކޮށްދެނީ
ހާދިސާގެ ރިޕޯޓް ލިބުނީ ހޯމަ ދުވަހުގެ 14:09 ހާއިރު
ސިމާހާ ނަސީމް, ރާއްޖެ އެމްވީ | 15 އޯގަސްޓު 2022 | ހޯމަ 13:22
އަލިފާނުގެ ހާދިސާ ހިނގި ގެ
ހުޅުމާލެ ލޮޓް 11252ގެ 4އޭ އެޕާޓްމަންޓުގައި ހިނގި އަލިފާނުގެ ހާދިސާއާއި ގުޅިގެން، އެ ގޭގައި ދިިިރިއުޅޭ އާއިލާއަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ކުރަމުން އަންނަ ކަމަށް މޯލްޑިވެސް ނެޝަނަލް ޑިޒާސްޓަރ މެނޭޖްމަންޓް އޮތޯރިޓީން ބުނެފިއެވެ.
މި އަލިފާނުގެ ހާދިސާގެ ރިޕޯޓް މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް)އަށް ލިބުނީ ހޯމަ ދުވަހުގެ 14:09ހާއިރުއެވެ.
ބަދިގޭގައި އުދާފައިހުރި ތެއްޔެއްގައި ހުޅުހިފައި ރޯވި އަލިފާންގަނޑު 14:21ހާއިރު ނިއްވާލާފައިވާއިރު، މި ހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށް އެމްއެންޑީއެފްއިން ބުނެއެވެ.
