ލަންޑަނުގެ އެޕާޓްމަންޓް ބްލޮކް އަލިފާނުގެ ހާދިސާ: މަރުވި މީހުންގެ އަަދަދު 30 އަށް ވުރެ މައްޗަށް!
70 އަށް ވުރެ ގިނަ މީހުން އަދިވެސް ވަނީ ނުފެނި
އަލިފާން ރޯވި ގްރެންފެލް ޓަވަރަކީ 1974 ގައި އިމާރާތް ކޮށްފައިވާ 120 ފްލެޓް ހިމެނޭ ޓަވަރެއް
އިނގިރޭސި ވިލާތުގެ ވެރިރަށް ލަންޑަނުގެ ހުޅަނގު ސަރަހައްދެއްގައި ހުންނަ އެޕާޓްމަންޓް ބްލޮކެއްގައި ބުދަ ދުވަހުގެ ރޭ ހިނގި އަލިފާނުގެ ހާދިސާގައި މަރުވި މީހުންގެ އަދަދު 30 އަށް އަަރައިފިއެވެ.
މަރުވި މީހުންގެ އަދަދު އިތުރުވާެނެ ކަމަށް ބެލެވޭ އިރު އިނގިރޭސި ފުލުހުން ބުނެފައި ވަނީ މަރުވި އެންމެންނަކީ ކޮންބައެއްކަން ދެނެނުގަނެވޭނެ ކަމަށެެވެ.
ހާދިސާގެ ޝިކާރައަކަށްވި ފަރާތްތައް ބައިތިއްބާފައިވާ ރިލީފް ސެންޓަރަކަށް އިނގރޭސި ރާނީ އާއި ޕްރިންްސް ވިލިއަމް ހުކުރު ދުވަހު ޒިޔާރަތް ކުރައްވާ މީހުންގެ ހާލު ބެއްލެވިއެވެ.
އާއިލާތަކާއި ހަވާލާދީ މީޑީއާ ރިޕޯޓުތައް ބުނާ ގޮތުން 70 އަށް ވުރެ ގިނަ މީހުން ވަނީ އަދިވެސް ނުފެނިއެވެ. މިހާތަނަށް 34 މީހުން މަރުވެފައިވާ ކަމަށް އޮފިޝަލުން ކަށަވަރުކޮށްދޭއިރު، މިއަދަދު 100 އަށް ވުރެ މައްޗަށް އަރާނެ ކަމަށް ބެލެވެ އެވެ. 24 މީހުންނަށް ހޮސްޕިިޓަލުގައި ފަރުވާ ދެމުން ދާއިރު 12 މީހަކު ވަނީ ސީރިއަސް ހާލަތެއްގައެވެ.
ދިރި ހުއްޓާ މީހަކު ދެން ނުފެންނާނެ ކަމަށް އޮފިޝަލުން ބުނާއިރު ބޮޑު ވަޒީރު ތެރީސާ މޭ ވަނީ އަލިފާނުގެ ހާދިސާ ތަހުގީގު ކުރުމަށް އަމުރުު ކުރައްވާފައެވެ. އިނގިރޭސި ފުލުހުން ބުރާސްފަތި ދުވަހު ބުނެފައި ވަނީ އަލިފާނުގެ ހާދިސާއާ ގުޅިގެން ޖިނާއީ ތަހުގީގެއް މިހާރު ފަށާފައިވާ ކަމަށެވެ. ލަންޑަނުގެ ނޯތު ކެންސިންޓަންގައި ހުންނަ 24 ބުރީގެ ގްރެންފެލް ޓަވަރުގައި ހިނގި އަލިފާނުގެ ހާދިސާއާ ގުޅިގެން އަނިޔާވި އަދި މަރުވި މީހުންގެ އާއިލާތަކަށް އިނގިރޭސި ރާނީ ވަނީ ހަމްދަރުދީ ފޮނުއްވާފައެވެ.
އަލިފާނުގެ ހާދިސާ ކޮންޓްރޯލް ކުރުމަށް 24 ގަނޑިއިރަށް ވުރެ ގިނަ ވަގުތު ނެގިއިރު މި ހާދިސާ ހިނގި ސަބަބެއް އަދި ނޭނގެއެވެ.
I
