ރައްޖޭގައި ވެސްޓަރން ޔޫނިއަން ހިންގާ، އައިލެންޑް ފައިނޭންޝަލް ސާވިސަސްއަށް ދީފައިވާ ލައިސަންސް ހިފަހައްޓައިފި
12 އޯގަސްޓު 2022 | ހުކުރު 16:29ލައިސަންސް ހިފަހެއްޓި ސަބަބެއް އެމްއެމްއޭއިން ހާމަ ނުކުރޭ
އައިލެންޑް ފައިނޭންޝަލްސް ގެ ދަށުން ހިންގާ ވެސްޓަރން ޔޫނިއަން
ރާއްޖޭގައި ވެސްޓަރން ޔޫނިއަން ހިންގަމުން އަންނަ އައިލެންޑް ފައިނޭންޝަލް ސާވިސަސް ޕްރައިވެޓް ލިމިޓެޑް އަށް ދީފައިވާ ޕޭމަންޓް ޚިދުމަތް ދިނުމުގެ ލައިސަންސް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހިފަހައްޓައިފިއެވެ.
އެ އޮތޯރިޓީން ބުނެފައިވާ ގޮތުގައި މި ލައިސަންސް ހިފެހެއްޓީ އޮގްސްޓް 8 ވަނަ ދުވަހުއެވެ. ލައިސަންސް ހިފެހެއްޓީ އެމްއެމްއޭއިން ވަކި ގޮތެއް އަންގަން ދެން ކަމަށް ވެސް އެ އޮތޯރިޓީން ވަނީ ބުނެފައެވެ.
މި ލައިސަންސް ހިފެހެއްޓި ސަބަބައެއް އެމްއެމްއޭއިން ބުނެފައެއް ނުވެއެވެ.
އައިލެންޑް ފައިނޭންޝަލް ސާވިސަސްގެ ދަށުން ހިންގަމުން އަންނަ ވެސްޓަރން ޔޫނިއަން އަކީ ބޭރު ޤައުމުތަކަށް ފައިސާ ފޮނުވުމުގެ ޚިދުމަތް ފޯރުކޮށްދޭ އެމެރިކާގެ ކުންފުންޏެކެވެ. އައިލެންޑް ފައިނޭންޝަލް ސާވިސަސްގެ ލައިސަންސް ބާތިލް ކުރުމުން މި ޚިދުމަތް ވަގުތީ ގޮތުން ރާއްޖެއަށް މެދުކަނޑާލާފައިވާ ކަމަށް އެ ކުންފުނީގެ ވެބްސައިޓުގައި ވަނީ ބުނެފައެވެ.
ވެސްޓަރން ޔޫނިއަން އިން އެންމެ ގިނައިން ޚިދުމަތް ހޯދާ އެއްބަޔަކީ ރާއްޖޭގައި ދިރިއުޅޭ ބިދޭސީންނެވެ.
