ފީފާ ވޯލްޑްކަޕް 2022 އަށް 100 ދުވަސް، ދޯހާގެ ރަށްވެހިން ތައްޔާރު!
12 އޯގަސްޓު 2022 | ހުކުރު 12:20ކުޑަކުދިންނާއި ޒުވާނުންގެ އިތުރުންގެ ދޮށީ އުމުރުގެ މީހުންނަށްވެސް ބައިވެރިވެވޭނެ ފަދަ އެކި ކަހަލަ ފުޓުބޯޅަ ގޭމްތަކުން މާހައުލަށް އުފާވެރިކަން ގެނެސްދީފައިވޭ
ވޯލްޑްކަޕް 2022 އަށް ތައްޔާރުވުމުގެ ގޮތުން ދޯހާގައި ގިނަ އިވެންޓްތަކެއް ދަނީ ބާއްވަމުން
ދުނިޔޭގެ އެކި ކަންކޮޅުތަކުން އެންމެ ގިނަ ޢަދަދެއްގެ ބަޔަކު އެ މުބާރާތަކަށް އިންތިޒާރު ކުރަމުންދާ، ފީފާ ވޯލްޑް ކަޕް ފަށަން 100 ދުވަހަށް ވުމުގެ އިހުތިފާލުތައް، ދޯހާގައި ކުލަގަދަކޮށް ކުރިއަށް ގެންގޮސްފިއެވެ.
ޤަތަރުގައި ކުރިއަށް ގެންދާ ފީފާ ވޯލްޑް ކަޕް 2020 ފުޓުބޯޅަ މުބާރާތް ފަށަން 100 ދުވަހަށް ވުމުގެ ހަރަކާތްތައް ދޯހާގައި ކުރިއަށް ގެންގޮސްފައި ވަނީ، ވީހާވެސް ގިނަ އަދަދެއްގެ އާންމުންނަށް ބައިވެރިވެވޭނެ ފަދަ ގޮތަކަށެވެ.
ދޯހާގެ ޝޮޕިންގް މޯލްތަކުގައި، ފުޓުބޯޅައާއި ގުޅުންހުރި ތަފާތު އެކި ކަހަލަ ކުޅިވަރުތައް ކުޅެވޭނެ އިންތިޒާމުތައް ވަނީ ހަމަޖައްސާފައެވެ. ކުޑަކުދިންނާއި ޒުވާނުންގެ އިތުރުންގެ ދޮށީ އުމުރުގެ މީހުންނަށްވެސް ބައިވެރިވެވޭނެ ފަދަ އެކި ކަހަލަ ފުޓުބޯޅަ ގޭމްތަކުން މާހައުލަށް އުފާވެރިކަން ގެނެސްދީފައި ވާއިރު، ތަފާތު އެކި ކަހަލަ ޗެލެންޖުތަކުގައި ބައިވެރިވުމުގެ ފުރުސަތު، އެންމެނަށް އޮތީ ހުޅުވާލާފައެވެ. އެގޮތުން އަމާޒަށް ބޯޅަ ޖެހުމާއި އެކި ކަހަލަ ހުރަސްތައް ގިރާކޮށްގެން ވަކި މިސްރާބަކަށް ބޯޅަ ގެންދިއުން ފަދަ އުކުޅުތައް ބޭނުން ކުރަންޖެހޭ ޗެލެންޖުތައް، މޯލްތަކުން ފެނިގެންދިޔައެވެ.
ވޯލްޑް ކަޕްގެ ފައިނަލް މެޗުގެ ޓިކެޓް ހާސިލު ކުރުމުގެ ފުރުސަތުވެސް، އިވެންޓްތަކުގައި ބައިވެރިވި މީހުންނަށް ވަނީ ލިބިފައެވެ.
ލިބެމުންދާ އެންމެ ފަހުގެ ރިޕޯޓްތަކަށް ބަލާއިރު، ފީފާ ވޯލްޑް ކަޕް 2022ގެ އޯޕަނިންގްގައި ޤަތަރާއި އިކުއެޑޯ ބައްދަލު ކުރާ މެޗު މިހާރު ވަނީ އަވަސް ކޮށްފައެވެ.
މި ބަދަލަށް ގިނަ ބަޔަކު ތަރުޚީބު ދިން ނަމަވެސް، ބޭރު ޤައުމުތަކުން ޤަތަރަށް ޒިޔާރަތް ކުރާ ފުޓުބޯޅަ ފޭނުން ނަށް، ލޮޖިސްޓިކްސް މައްސަލަތަކެއް ކުރިމަތިވެދާނެ ކަމަށް ދޯހާގައި ދިރިއުޅޭ ކެނެޑާ ރައްޔިތެއް ކަމަށް ވާ ޝަހްރާމް ކަނޫދީ ވަނީ ފާހަގަ ކޮށްފައެވެ.
ނޮވެމްބަރު 21 ވަނަ ދުވަހު ކުރިއަށް ގެންދަން ތާވަލު ކޮށްފައި އޮތް މެޗު، މިހާރު ކުރިއަށް ގެންދަން ރާވާފައި ވަނީ ނޮވެމްބަރު 20 ވަނަ ދުވަހުއެވެ.
