ޑިސެމްބަރުގެ އުމްރާއަށް ރަޖިސްޓްރީވުމުގެ ފުރުސަތު އުހުދު ޙައްޖު އެންޑް އުމްރާ ގްރޫޕުން ހުޅުވާލައިފި
އުހުދު ގްރޫޕް މެދުވެރިކޮށް ޑިސެމްބަރުގެ އުމްރާއަށް ދާން ދައްކަން ޖެހޭނީ 29،950ރ.
މަސްޖިދް އަލް ހަރާމް ގައި ޖަމާއަތުގައި ނަމާދު ކުރަނީ
މިއަހަރުގެ ޑިސެމްބަރު މަހުގެ އުމްރާގައި ބައިވެރިވާން ބޭނުންވާ މީހުންނަށް ރަޖިސްޓްރީވުމުގެ ފުރުސަތު އުހުދު ޙައްޖު އެންޑް އުމްރާ ގްރޫޕުން ހުޅުވާލައިފިއެވެ.
ޑިސެމްބަރު މަހުގެ އުމްރާއަށް އުހުދު ޙައްޖު އެންޑް އުމްރާ ގްރޫޕް މެދުވެރިކޮށް ދާ ފަރާތްތަކުން ދައްކަން ޖެހޭނީ 29،950 ރުފިޔާއެވެ. މި ދަތުރު ޑިސެމްބަރު މަހުގެ 20 އާއި 25 އާ ދެމެދުގެ ތާރީހެއްގައި އޮންނާނެ ކަމަށް އެ ގްރޫޕުން މައުލޫމާތު ދެއެވެ.
އުމްރާގެ އަޅުކަމަށް އުހުދު ގްރޫޕް މެދުވެރިކޮށް ދާ ފަރާތްތަކަށް ބޭނުންވާ ގިނަ ޚިދުމަތްތައް އެ ގްރޫޕުން ފޯރުކޮށްދޭނެ ކަމަށް އުހުދު ގްރޫޕްގެ ޑިރެކްޓަރ ޑރ. އަބްދުﷲ ޖަމީލް ވިދާޅުވިއެވެ. އެގޮތުން، އުހުދު ގްރޫޕް މެދުވެރިކޮށް އުމްރާއަށް ދާ ފަރާތްތަކުގެ ހުރުން ހަމަޖެހިފައިވަނީ މައްކާގެ ހަރަމްފުޅާ ވަރަށް ކައިރީގައިކަން ވެސް އޭނާ ފާހަގަކުރެއްވިއެވެ.
ޑރ. ޖަމީލް ވިދާޅުވީ ހަރަމްފުޅާ ކައިރީގައި ތިބުމަކީ އުމްރާއަށް ދާ ފަރާތްތަކަށް ވަރަށް ބޮޑު ލުޔެއް ލިބިގެންދާނެ ކަމެއް ކަމަށެވެ.
އުހުދު ޙައްޖު އެންޑް އުމްރާ ގްރޫޕް މެދުވެރިކޮށް ޑިސެމްބަރުގެ އުމްރާއަށް ދާން ބޭނުންވާ ފަރާތްތަކަށް 9633991 ނުވަތަ 9903771 އަށް ގުޅައިގެން ރަޖިސްޓްރީ ކުރެވޭނެއެވެ. އެ ގްރޫޕް މެދުވެރިކޮށް ދާ ފަރާތްތަކަށް ދެކޮޅު ޓިކެޓާއި ހުރުމާއި ކެއުމާއި އުމްރާ ވިސާގެ އިތުރުން ޠާއިފް އަދި ޖިއްދާއަށް ދާން ބޭނުންވާ ފަރާތްތަކަށް އެ ފުރުސަތު ވެސް ލިބިގެންދާނެއެވެ.
އުހުދު ގްރޫޕް މެދުވެރިކޮށް އުމްރާއަށްދާ ފުރަތަމަ ގްރޫޕް މި މަހުގެ 11 އަދި 13 ގައި ފުރާނެއެވެ. މި ދަތުރުގައި ފުރާ ފަރާތްތަކަށް މައުލޫމާތު ދިނުމަށް ހާއްސަ ސެޝަނެއް އަންނަ ބުދަ ދުވަހުގެ ރޭ 8:30 ގައި އިސްކަންދަރު ސްކޫލުގައި ބާއްވާނެއެވެ.
