ނީލަން ފިހާރައިގައި އަލިފާން ރޯވެއްޖެ
އަލިފާން ރޯވީ 7:00 ހާއިރު
މާލޭ ނީލަން ފިހާރައި ރޯވި އަލިފާންގަނޑު ނިއްވާލުމުގައި ސިފައިން ހަރަކާތްތެރިވަނީ
މާލޭގެ ނީލަން ފިހާރާއިގައި އަލިފާން ރޯވެއްޖެ އެވެ.
އެމްއެންޑީއެފުން ބުނި ގޮތުގައި މިއަދު 7:00 ހާއިރު ނީލަންފިހާރަ ރޯވިކަމުގެ ރިޕޯޓް ލިބުމާ ގުޅިގެން އަލިފާން ނިއްވުމުގެ މަސައްކަތުގައި ސިފައިން ހަރަކާތްތެރިވާން ފެށި އެވެ. އަލިފާން ރޯވިތާ މާގިނަ އިރުތަކެއް ނުވެ އަލިފާން ނިއްވުމަށް ސިފައިން ހަރަކާތްތެރިވާން ފެށުމާއެކު، މުޅި ސަރަހައްދަށް އަލިފާންގަނޑު ފެތުރުމުގެ ކުރިން ނިއްވާލެވުނެވެ.
ނީލަން ފިހާރައިގައި އަލިފާން ރޯވެފައި
އަލިފާންގަނޑު އެއްކޮށް ނިއްވާލީ ހެނދުނު 7:45 ހާއިރު އެވެ.
މި ހާދިސާގައި އަދި އެއްވެސް މީހަކަށް ގެއްލުމެއް ނުލިބެ އެވެ. އަދި އަލިފާން ރޯވި ސަބަބެއް އަދި ނޭނގެ އެވެ.
އެމްއެންޑީއެފުން ބުނީ މި މައްސަލަ ފުލުހުން ތަހްގީގުކުރަމުންދާ ކަމަށެވެ.
